هو جرح نفسه بنفسه..

[أحمد حياء]

هو جرح نفسه بنفسه

ودي اكتب بيت لكن مثل ما احساسك يحسـه =ودي ادخل لين قلبك واعرف شعورك تجاهي



ودي اقراني بعيــونك والشعــور اللي تدسه=قلت من قلبك حبيبي ؟ وإلا بس لفت انتباهي؟؟



ليه حيرت القوافي ضاعت اسداسي بخمســه=مو حرام انك تعـــذب قلب قبلك كـــان لاهي




ماعرف للعشق توه ..عايــش بيـومـه وأمسه=كلهـــا ايامه سعـاده.. كلهــا اوقاته ملاهي




كان قلبي قبل صوتك ما يهـــــزه أي همسـه=بس مدري وش علامه جاه صوتك ..جاك فاهي




جاك يتبع حسنك اللي ماخذ(ن) عقله وحسـه=والله انه ما احترمني ولا احترم باسي وجاهي




والله انه قلب عاشق ما تحمل منك لمسه= يوم ذاق الحب روح فاقــد لكــل المشاهي




صارت ايامه ليالي مختلـط ليلــه بشمســـه=كل ماجيتــه يفكر ضايــع وتــايه وسـاهي

قالت اسمع :


قالت اسمع :

قالت اسمع لاتشكى هو لفـى في ارض يبسه=هو تخير ما جبــرته ..مـالقي للحب ناهي




جاي في درب العذارى ينثر بذوره وغرسه!!=حكمهٍ من عهد جـدي (من يحب التيه تــاهِ )




كان ودك خــلّ قلبك ينتهــي عنــي وبســه=لايجي صوب العــذارى بحــرنا مــافيه راهـي




قلت ادري يافــلانـــــه والله ان الحب عفسه=شوفي جرحك صارنبضه وإنتي يملاك التباهي




قالت اسمع ما جرحته.. هو جرح نفسه بنفسـه=ياعويشق (طاح منهو قاضبن في خيط واهي )




انتبه للــدرس يومن غيركم مافاد درسه=غاب في بحرالعـــذارى كاهي الاثار كاهي



حدّ قلبك لا يفزّ من اول احســــــــاس ٍيحسه=انتبــــــه درب العذارى وانتبه توقف تجاهي

 

[ليلى العيسى]

قويّة!
موجعةٌ دروس الحبّ أحيانًا يا أحمد
لكنها الحقيقة .. فالمواجعُ نحنُ من يشكلها
ما امتثلَ أعلاه .. قصيدة أقل ما يقال عنها "بهيّة"
مساؤكَ .. خير و شعر،!

[إيمان بنت عبد الله]

صدقًا شاهقة !



/


إيمَان

[سودة الكنوي]

...

البحر و القافية جاءا مناسبين تماما للغرض الشعري
كذلك الموسيقى في تكرار حرف السين المهموس أضفت على
النغم عذوبة و جعلته محببا للنفس..

أحمد حيا..
برعت! و أبدعت! و أمتعت

[تركي النامي]

أحمد والتيه في غداري الحب

ودي اكتب بيت لكن مثل ما احساسك يحسـه
ودي ادخل لين قلبك واعرف شعورك تجاهـي
ودي اقراني بعيونك والشعـور اللـي تدسـه
قلت من قلبك حبيبي ؟ وإلا بس لفت انتباهي؟؟

إبداع في توصيف أماني العاشق المستحيلة


ليه حيرت القوافي ضاعت اسداسـي بخمسـه
مو حرام انك تعذب قلـب قبلـك كـان لاهـي
ماعرف للعشق توه ..عايش بيومـه وأمسـه
كلها ايامه سعـاده.. كلهـا اوقاتـه ملاهـي

حب ألغى جميع الحسابات
وقلب موازين قلبً (خلي)


كان قلبي قبل صوتك مـا يهـزه أي همسـه
بس مدري وش علامه جاه صوتك ..جاك فاهي
جاك يتبع حسنك اللي ماخذ(ن) عقله وحسـه
والله انه ما احترمني ولا احترم باسي وجاهي
والله انه قلب عاشق ما تحمـل منـك لمسـه
يوم ذاق الحـب روح فاقـد لكـل المشاهـي


اعجبني توظيف الأحترام واعجبني وصف الحب
إبداع فاقني

صارت ايامه ليالـي مختلـط ليلـه بشمسـه
كل ماجيتـه يفكـر ضايـع وتايـه وساهـي
قالت اسمع :
قالت اسمع :
قالت اسمع لاتشكى هو لفى في ارض يبسـه
هو تخير ما جبرته ..مالقـي للحـب ناهـي
جاي في درب العذارى ينثر بذوره وغرسـه!!
حكمهٍ من عهد جدي (من يحب التيـه تـاهِ )

حوار ابهرني
وحكمة من ذهب


كان ودك خـلّ قلبـك ينتهـي عنـي وبسـه
لايجي صوب العذارى بحرنـا مافيـه راهـي
قلـت ادري يافلانـه والله ان الحـب عفسـه
شوفي جرحك صارنبضه وإنتي يملاك التباهي

وصف التغلي

قالت اسمع ما جرحته.. هو جرح نفسه بنفسه
ياعويشق (طاح منهو قاضبن في خيط واهي )

وصف الجحود

انتبه للدرس يومـن غيركـم مافـاد درسـه
غاب في بحرالعـذارى كاهـي الاثـار كاهـي
حدّ قلبك لا يفـزّ مـن اول احسـاس ٍيحسـه
انتبه درب العذارى وانتبـه توقـف تجاهـي

انتبه
انتبه

أحمد حياء
قصيدة فاضت منها أحاسيس صادقة
وعذوبة المشاعر إبداع أذهلني بكل حرف
صح لسانك.

[عبد العزيز الجرّاح]

أحمد ،

جميل هذا النص شعرًا وشعورًا ..
وجميل أنت أيها الشاعر، فقط لو أنك تتحفنا بالكثير
من نصوصك الشعرية ..

تحاياي

[أمجاد نجد]

بعض الحروف لا نكتفي بقراءتها مرة واحدة ونعود لبدايتها حين نصل لنقطة النهاية

أحمد
راقي في حرفك وفكرك صح لسانك

[مضاوي الروقي]

نص رائع جدا يأخذك في تفاصيل قصة جميلة .. راقني العنوان كثيرا وخشيت أن أدخل فلا يكون النص موازيا للعنوان في جماله،، فوجدت النص والعنوان متوازيين في الجمال والدهشة ..
روعة النص هو ما يحدثه من دهشة لدى المتلقي..
نص أكثر من فاخر حقا..
احتفظت بالنص في ذاكرتي : )