رسايلنا

[تركي النامي]

,

مادمت مشغول وما اطري على بالك=يكفي اهنيك يالغالي بمرسالي
ادري بـودك تهنـيني و لا جالك=وأنا انتـظرتك تهنيني و لا جالي
تقبل الله صيامك و أصلح أعمالك=ومنك السموحه إذا قصرت بوصالي

تقبل الله صيامكم وقيامكم

 

[تركي النامي]

,

اغراب لكن كلنا نعيش في نفس المدينة=والوصل ماهو ضروري هامشي يطري علينا
ايه قسانا الزمن وعذرنا عاده ندينه=ويوم يجبرنا الوصل نرسل وتتعب يدينا
كيف بالله صار فينا ينكر الخافق حنينه=ومن يردلنا السلام عندنا انه يبتلينا

[تركي النامي]

,

تراك اللي تشوفه في عيوني = بقايا الأمس و أشلاء المحبه
أعيش وكنني عايش بدوني= خذاني من حياتي اللي أحبه

كل عام وأنتم بخير

[تركي النامي]

,

مايعني انك غبت يعني نسيتك=ولا يعني انك جيت اني براضيك
الله قسم فرقاك ومنها بكيتك=والله قسم ترجع ولاعاد لي فيك
تحمّل الصدمه مثل ما رجيتك=تبقى ودمعي طاح يسقي اراضيك
ماقول لك خاين و انا كم وفيتك=محشوم يالغالي وانا افتخر فيك
بس بصراحه ليتني ما عطيتك=قلبٍ قتلته يوم جا لك يناجيك

[تركي النامي]

,

في غيبتك وش خانة الصوت والصوره=الشوق ناري وحامي الدمع زادي
المح من الليل طيفك والقمر نوره=واكف دمع الشوق واعلن حدادي

[تركي النامي]

,,

انا ادري انك تناظرني ومستغرب=وشلون انا مبتسم والدمع في عيني
ماني مصدق بعد غيبتك لي تقرب=وماني مصدق بعد ساعة تخليني

[تركي النامي]

,

يدي على صدري وسهم الحب مجتاحه=ينزف من الدم مدري ينزف اشواقي
واشوف طيفك يعزي الليل بأفراحه=عزاه للي مضى مدري على الباقي

[تركي النامي]

,

لا تذكر اللي راح ماهوب راجع=شفني تركت اللي مضى عن قناعه
عرفت إن الهم و نثر المدامع=بأسباب ذكرى من تركني وداعه

[تركي النامي]

,

يوم الأمل نُورٌ عن الدرب محجوب=وش عاد لك تسأل تدور حبيبك
منت بضعيف وتسهر الليل مغصوب=ذكرى تسيٌر بك وذكرى تجيبك
ودمعٍ نثرته للمخاليق عذروب =قالو مهابيل العرب بان عيبك
يا قلب تكفى لا تخلي لك دروب= يلقى بها الشامت علومٍ تعيبك

[تركي النامي]

,

اصدق كلام اللي يجي بعد الغياب=وأعذب كلام اللي يحسسك بدفاه
واكذب كلام اللي يزيف بالعتاب=يذكر خطاتك بس ما يذكر خطاه

واصدق شعور دمعٍ من جروح السحاب=اللي على خد الوفاء ينبت عناه
وأعذب شعور اللي معاه الجرح طاب=يكفي رضاك انك معه يكفي رضاه
واكذب شعور اللي وفاء حبه سراب=تضما وهو يسقي من دموعك قساه