رسايلنا

[تركي النامي]

,

صحيح من يجرحك يقدر يداويك=وصحيح رجوا غير ربي مذله
و أنا تعبت أقول الله يخليك=ارجع لقلبِ هايمِ فيك كله
لكن تدري روح ماني مناديك=الله معك وإن جيت قلبي تدله

[تركي النامي]

,

تبي الصراحة لا تجامل وأجامل=لولا الوشايه ما تركنا بعضنا
دايم أحس انك علي متحامل=و تحس مثلي و النتيجه افترقنا

[تركي النامي]

,

كم شربت من الزمن حالي وكم مثله مرير=و كم عرفت أن الصداقة بالحسد متشبعه
و حاسدك لا قال كلمة لا تعبرها و تطير=حتى لو أنك سمعته كن منتب تسمعه

[تركي النامي]

,

ياصاحبي وان مرت أيام وأيام=حبك يعيش بداخلي ومعتني فيه
حاميه من وقت غدى صدقه أوهام=ومن عين يملاها الغلا والمشاريه
الله مقدر لي وصالك بالأحلام=وهذا يكفيني وأنا راضي فيه
لو كنت عايش مانزف حبر الأقلام=ولا ذبل حالي وتاهت خطاويه

[تركي النامي]

,

إيه احبك وان حصل مني قصور=يا غناة القلب عن حبٍ جديد
اصدق إحساسي وهتان الشعور=يتباهى لا نكتب فيك القصيد
غايبٍ عنك من ظروفي شهور=بس لك في العين صورة ما تبيد
دمعتي وذكراك في ليلي حضور=كل ليله تنتهي ترجع تعيد