سالفة صمت ...

حسين آل صمع · #1 30/08/2007, 01:48 AM

مع الحب اقدمها لكم تسبقها قوافل الأعذار على كل ماهو غياب ..

سلام الله على الدرب الطويل بسكة سنيني = سلامٍ يعتق الصمت الدفين و يكسر ابوابه
ويفتح صفحة الحزن القديم ويكتب بطيني = اغاني للأمل لو دمع عيني بلل كتابه
ابانثر ملحها . وش فادني صبرٍ كفر فيني ؟ = واصد الكبريا ما دامها عميا وكذابه
و لو قالوا الصدر خزنة مواجع قلت يمديني = اقول الا المواجع لابقت بالصدر تغتابه
ولكن لي متى هذا الأرق و الليل يسريني = حرمني من صباحي و العوض في حالك ثيابه
تعبت بكل مايعني الكلام وما يعزيني = لاجار الجوع تصطك الظروس وتعوي ذيابه
تعبت اعانده ثم يتكاثر بيني و بيني = واهيجن لالفى : حيا السهر . ياحي ماجابه
ادور للقلم عذرٍ سمين يصافح يديني = على شوق الدفاتر للحبر او لحظة كتابه
و اهمش واقعي كن الألم ماهوب يعنيني = ابانسى اني ادور بفكرته و ادون اسرابه
و اسميه الهروب من الجمر والنار تكويني = اصور للبشر وانا اشتعل كيف اتدفى به
عشان اليا لمحني جاهلٍ و الدمع في عيني = تغره ضحكتي ولا الدموع الزرق تتشابه
اخبي في عروقي ما ذبحني من سكاكيني = مدام الدم دمي فالقريب احن واولى به
دخيلك ياجروحي طالبك مره تهجيني = وشوفي لا كتبتك كيف انا كاتبك جذابه
و دلوعة قصيدي واكذبه واصدق مخاويني = واقسى ما نزفته وافتخرت بطعنة حرابه
دخيلك لا نثرتك من قهر تكفين قهويني = ولا باهز فنجال التعب و احرم عتابه
عزمت احياك نورٍ لو سوادك مايقديني = وذكرى للحبايب والزمن لاكشر انيابه
بـاودّع كل دربٍ لادنيته كان يقصيني = عسى القى لي طريقٍ خطوتي ماتنكر ترابه
وابلغ سالفة همي الطويل بسكة سنيني = سلامٍ يعتق الصمت الطويل ويكسر ابوابه

امجاد · 30/08/2007, 09:37 AM

.

.

.

حسين،،

أطربني حرفك الجميل ..

ولا أجد ما يوافق ما أشعر به ..

غير أن قراءة واحدة لا تكفي ..

لا تكفي ...

لا تكفي ..

مطلقاً ..

لا فصل اللهُ لكَ يميناً..

الامجاد

"همسة سحـر" · 31/08/2007, 04:49 PM

.

.

.

هكذا هيَ سحائب الخير

تغيب .. ولكنها تعود وهي تحمل كل الخير /المطر

صح قلبك

و

مساك ورد

يُمنى سالم · 01/09/2007, 06:38 AM

حسين آل صمع

حضورك سنابل فرح تبرعم غيم المطر...

أهلاً بعودتك الرائعة سيدي

دم بخير

ساره الغامدي · 01/09/2007, 08:12 AM

::

القدير .. حسين
عَوْدَةٌ تَصَدَحُ بِـ تَهاليلِ الإبدَاعِ
عَبرَ بيَارقِ أبجدِيةٍ رَابِضَةٍ
بالإتقانِ والبهَاءِ
:
سلمَ مدادكَ ..

**عبد العزيز الجرّاح** · 02/09/2007, 10:29 AM

الوافي .. حسين

سرني جداً أن أعود للمطر، لأجدك وقد عدت من بعد غياب.
فأهلاً بك والشعر متى تحضر ...

أنت تحضر، فيحضر الشعر معك...
تكتب شعراً لا يكتبه أحد غيرك...
صدقاً ...
أنت شاعر لا تشبه إلا أنت ....

من القلب شكراً لهذا النص الذي أثريت به صدر الغمام ..
و..أنعشت به الذائقة...

مودتي وجل تقديري
عبد العزيز الجرّاح

حسين آل صمع · 03/09/2007, 08:53 PM

اقتباس:

المشاركة الأصلية كتبت بواسطة امجاد

.

.

.

حسين،،

أطربني حرفك الجميل ..

ولا أجد ما يوافق ما أشعر به ..

غير أن قراءة واحدة لا تكفي ..

لا تكفي ...

لا تكفي ..

مطلقاً ..

لا فصل اللهُ لكَ يميناً..

الامجاد