-<(( أمّ الـــمـــعـــارك ))>-

[عبدالرحمن عبدالله]

السلام عليكم ورحمة الله وبركاته
من قديمي
قصيده اتمنى ان تنال الرضى
قد تكون هذيـــــان
قد تكون اوهـــــــــام
قد تكون اي شيء
ولكن لن تخلو من الانهزام
اليكم
~ أم الـمـعـارك ~

وا عذابي كلما طيفك يمرّ يشب نارك=والصقيع يلفّ ثوبي ولا قويت اني اجيلك
كان بيني وبين كفّك خطوتين وباب دارك=صار بيني وبين قلبك دمعتين وكاس ويلك
والفراق اللي سهرني والسبب جور اختيارك=بسْهره بس المهم انك تساعدني دخيلك
لا تروح ولا تجي وآنا بخونك ف..إنتظارك=وان لقيتك صدّ وابقى يمكن انسى واحتريلك
المسائل حيييل سهله لو بتاخذ فإعتبارك=اني اعطيتك كثييير وما أخذت الا قليلك
كل دربٍ لك مشيته ما مشيته لين سارك=وانتي يا دوبك مشيتي خطوةٍ وانهدّ حيلك.!!
ما يجيني طيفك الا فيه تزهين بوقارك=تلمسين شغاف قلبي فوق هذا صعب نيلك
ما شكيت شموسك اللي تكوي القلب بنهارك=ما شكيت البرد يومي ساريٍ عتمات ليلك
وما خبرت اني عصيتك لو طلبت اجمع غبارك=وكل ما املك فداك وقلتها لك ( تحت ريلك )
ولا طعنتك في غيابك لجل تاخذني بثارك=وما طلبتك ترحميني لا حشى والله وكيلك
كنت اهزّ جذوع وصلك طامعٍ تسقط ثمارك=كنت اجمّع لك حنيني فلّ / نرجس / ورد / ليلك
وكل ما كنت آتمنى لحظةٍ وابقى جوارك=ضاقت اطراف الاماكن واصطدمت بمستحيلك
والله اني ما طلبتك تحزن بعزّ انتصارك=بس لا تعبث بجثّة منهزم لو هو قتيلك
كان ما مات بيدينك تااه في لجّة قرارك=والغرق بعد انحسار المغفره يخلي سبيلك
صدّق اني تهت بالوجهات في وجهة مسارك=شابت عيوني وانا ارجي غيمك اللي شال سيلك
ودام هالحكمه تقول ( ان الحكي ماله جمارك )=خلني أهذي ولا تقطع حكي شوقٍ بقي لك
واعترف لك قد خسرتك قبل ما ربحك يبارك=بس تكفى من يودّك ( لا تطفّف له بكيلك )
لأنك امرحتي وعززتي نفوذك وانتشارك=واستحليتي بقايا روح كانت تنحني لك
وان طلبت تحاصريني آآآآه يا زينه حصارك=واقصفي كل الحنايا والمشاعر تبتدي لك
لكن انتي ما طرا لك هاجسٍ بالليل زارك=يخبرك ان الولا لك دان والعاشق ذليلك
وانسحبتي من حياتي قبل مارسم في جدارك=زعفرانك / اقحوانك / خيزرانك / طعم هيلك
ويا غناتي لا ذكرتي عاشقك والليل جارك=فأعرفي انه توفّى تحت وطئ اقدام خيلك
واذكري من كبر جرحك صاح لك بـ( أم المعارك )=وانتظر نصرة عيونك وانهزم ساعة رحيلك

]