-<(( أمّ الـــمـــعـــارك ))>-
السلام عليكم ورحمة الله وبركاته من قديمي قصيده اتمنى ان تنال الرضى قد تكون هذيـــــان قد تكون اوهـــــــــام قد تكون اي شيء ولكن لن تخلو من الانهزام اليكم ~ أم الـمـعـارك ~
وا عذابي كلما طيفك يمرّ يشب نارك=والصقيع يلفّ ثوبي ولا قويت اني اجيلك ]كان بيني وبين كفّك خطوتين وباب دارك=صار بيني وبين قلبك دمعتين وكاس ويلك والفراق اللي سهرني والسبب جور اختيارك=بسْهره بس المهم انك تساعدني دخيلك لا تروح ولا تجي وآنا بخونك ف..إنتظارك=وان لقيتك صدّ وابقى يمكن انسى واحتريلك المسائل حيييل سهله لو بتاخذ فإعتبارك=اني اعطيتك كثييير وما أخذت الا قليلك كل دربٍ لك مشيته ما مشيته لين سارك=وانتي يا دوبك مشيتي خطوةٍ وانهدّ حيلك.!! ما يجيني طيفك الا فيه تزهين بوقارك=تلمسين شغاف قلبي فوق هذا صعب نيلك ما شكيت شموسك اللي تكوي القلب بنهارك=ما شكيت البرد يومي ساريٍ عتمات ليلك وما خبرت اني عصيتك لو طلبت اجمع غبارك=وكل ما املك فداك وقلتها لك ( تحت ريلك ) ولا طعنتك في غيابك لجل تاخذني بثارك=وما طلبتك ترحميني لا حشى والله وكيلك كنت اهزّ جذوع وصلك طامعٍ تسقط ثمارك=كنت اجمّع لك حنيني فلّ / نرجس / ورد / ليلك وكل ما كنت آتمنى لحظةٍ وابقى جوارك=ضاقت اطراف الاماكن واصطدمت بمستحيلك والله اني ما طلبتك تحزن بعزّ انتصارك=بس لا تعبث بجثّة منهزم لو هو قتيلك كان ما مات بيدينك تااه في لجّة قرارك=والغرق بعد انحسار المغفره يخلي سبيلك صدّق اني تهت بالوجهات في وجهة مسارك=شابت عيوني وانا ارجي غيمك اللي شال سيلك ودام هالحكمه تقول ( ان الحكي ماله جمارك )=خلني أهذي ولا تقطع حكي شوقٍ بقي لك واعترف لك قد خسرتك قبل ما ربحك يبارك=بس تكفى من يودّك ( لا تطفّف له بكيلك ) لأنك امرحتي وعززتي نفوذك وانتشارك=واستحليتي بقايا روح كانت تنحني لك وان طلبت تحاصريني آآآآه يا زينه حصارك=واقصفي كل الحنايا والمشاعر تبتدي لك لكن انتي ما طرا لك هاجسٍ بالليل زارك=يخبرك ان الولا لك دان والعاشق ذليلك وانسحبتي من حياتي قبل مارسم في جدارك=زعفرانك / اقحوانك / خيزرانك / طعم هيلك ويا غناتي لا ذكرتي عاشقك والليل جارك=فأعرفي انه توفّى تحت وطئ اقدام خيلك واذكري من كبر جرحك صاح لك بـ( أم المعارك )=وانتظر نصرة عيونك وانهزم ساعة رحيلك |
عبد الرحمن ... سرني أن أكون أول الواصلين... المتذوقين / الغارقين ... فـ هذا الحضور لا هذيانٍ هو ولا أوهام... وأيضاً هو ليس أنهزام... بل هو حضور الشعر و..انتصاره... وشعور العاشق /الشاعر و..أفكاره...
كنت اهزّ جذوع وصلك طامعٍ تسقط ثمارك= كنت اجمّع لك حنيني فلّ / نرجس / ورد / ليلك أمّا أنا فـ كنت أستلذ ثمار شعرك / فكرك...
واعترف لك قد خسرتك قبل ما ربحك يبارك=بس تكفى من يودّك ( لا تطفّف له بكيلك ) لأنك امرحتي وعززتي نفوذك وانتشارك=واستحليتي بقايا روح كانت تنحني لك واعترف لك ما كسبت إلا ربحتك . . . . . .واستحليت بحضورك كل مساحات المطر عبد الرحمن ... أعلم أنها الظروف من تأخذك منا... ولكن ثق أنك متى حضرت تشرفني / تسعدني... من الروح شكراً لـ أنك كذلك... مودتي وتقديري عبد العزيز الجراح |
ويا غناتي لا ذكرتي عاشقك والليل جارك=فأعرفي انه توفّى تحت وطئ اقدام خيلك واذكري من كبر جرحك صاح لك ب( أم المعارك )=وانتظر نصرة عيونك وانهزم ساعة رحيلك لا أدري ، لمَ تعتبر ما كانَ هنا إنهزاماً وانا أراه مجدولاً لـ ظفائرَ من ذهب نكهة الوجد ، ارتقاء الهمس لكنة العشق ، وتمازج الإحساس سكبتك حرفاً من حبائلَ الطهر يتدلى على جسدَ الفضيلة شاعرنا المرهف / المرهق حين عانقَ البوح روح إنسان عثر في بح ـثه على صورة البياض مثلك وجهٌ واحدٌ ، إن قال ، شهدنا آمين أنت أكبر من حدود كلمة دمتَ بـ طهرك كـ انت |
عبدالرحمن لي عودة الى هنا |
. . عبدالرحمن،، أيها النقي غبت كثيراً .. ففاجئتنا كثيراً .. بروائع شعرية .. ما زلت أترحل على حروفها .. سيدي وِصالكَ لنا شرفٌ نتوسمه تحية الامجاد |
اقتباس:
فلطالما كنت كريما معي فشكرا لك / عليك شكرا لأنك تحمل هذا القلب الكبير شكراً على كل شي والشكر لا يفيك |
حين يكون الوصل بحجم هذا الحضور..
قد نغفر الغياب.. عبدالرحمن عبدالله إبداع مختلف وروعة نقية.. تحياتي لك.. كن بخير |
الساعة الآن 01:15 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها