[تركي النامي]

محمد واختناق الأنفاس

يا ضيق صدر البلد يا حسين بعيونـي
وياوسع صدر البلد ياحسين باحزانـي

كنّ الشـوارع واهلهـا مـن يمرّونـي
وكنّي انا الجالس اللـي مامعـه ثانـي

إبداع في تصوير الحال

بضيق صدر البلد بك
ووسعها بأحزانك
وما احسست به عند قراءتي للبيت الثاني
أن الحزن كان سبب العزلة.
مذهل

من غابوا اللي على بعضـي يلمّونـي
رغم الكثير ؛ الكثير ؛ أحساس وحداني

من ليلهـم روّحـوا عنّـي وخلّونـي
لا عسعـس الليـل ضايقنـي وبكّانـي

أحساس وحداني
تأكيد للبيت الثاني
أعجبني كثيراً وصفك لتأثير ليل الغياب.


أحسّنـي لا أنـا ؛ أحسّنـي بـدونـي
لا الاسم اسمي ؛ ولا العنوان عنوانـي

إن كان معنا الضياع يضيق بي كونـي
فانا كذا ضايعـا مـن بيـن صدقانـي

هنا معنى الضياع
وما قبله معنى الافتقاد
احترت في الأجمل !!


هذا انـا جالـس واحاسـب طعونـي
مجني علي ؛ واتحاشا خاطر الجانـي

بيت القصيد
وفاء بلا حدود .


مليان صدري حنين وهدهـد ظنونـي
من فجر في النافـذة يبكـي وينعانـي

على عصافير صبحي ؛ يبست غصوني
واركض من اقصاي بالحقني ولا امداني

يا حسين لوشفتني يوم انخطف لونـي
وانا أسأل الناس ؛ حدّ اليوم لاقانـي؟!

نعم لاقاك أعذب الشعر

الجزل محمد
وصفت لنا أجمل إحساس
قد عانى الغياب

أقرب ما يمكن إطلاقه على إحساس القصيدة
رحيق القصيد خالطته دموع الغياب.

صح لسانك

سأظل بالقرب