[تركي النامي]

أحمد والتيه في غداري الحب

ودي اكتب بيت لكن مثل ما احساسك يحسـه
ودي ادخل لين قلبك واعرف شعورك تجاهـي
ودي اقراني بعيونك والشعـور اللـي تدسـه
قلت من قلبك حبيبي ؟ وإلا بس لفت انتباهي؟؟

إبداع في توصيف أماني العاشق المستحيلة


ليه حيرت القوافي ضاعت اسداسـي بخمسـه
مو حرام انك تعذب قلـب قبلـك كـان لاهـي
ماعرف للعشق توه ..عايش بيومـه وأمسـه
كلها ايامه سعـاده.. كلهـا اوقاتـه ملاهـي

حب ألغى جميع الحسابات
وقلب موازين قلبً (خلي)


كان قلبي قبل صوتك مـا يهـزه أي همسـه
بس مدري وش علامه جاه صوتك ..جاك فاهي
جاك يتبع حسنك اللي ماخذ(ن) عقله وحسـه
والله انه ما احترمني ولا احترم باسي وجاهي
والله انه قلب عاشق ما تحمـل منـك لمسـه
يوم ذاق الحـب روح فاقـد لكـل المشاهـي


اعجبني توظيف الأحترام واعجبني وصف الحب
إبداع فاقني

صارت ايامه ليالـي مختلـط ليلـه بشمسـه
كل ماجيتـه يفكـر ضايـع وتايـه وساهـي
قالت اسمع :
قالت اسمع :
قالت اسمع لاتشكى هو لفى في ارض يبسـه
هو تخير ما جبرته ..مالقـي للحـب ناهـي
جاي في درب العذارى ينثر بذوره وغرسـه!!
حكمهٍ من عهد جدي (من يحب التيـه تـاهِ )

حوار ابهرني
وحكمة من ذهب


كان ودك خـلّ قلبـك ينتهـي عنـي وبسـه
لايجي صوب العذارى بحرنـا مافيـه راهـي
قلـت ادري يافلانـه والله ان الحـب عفسـه
شوفي جرحك صارنبضه وإنتي يملاك التباهي

وصف التغلي

قالت اسمع ما جرحته.. هو جرح نفسه بنفسه
ياعويشق (طاح منهو قاضبن في خيط واهي )

وصف الجحود

انتبه للدرس يومـن غيركـم مافـاد درسـه
غاب في بحرالعـذارى كاهـي الاثـار كاهـي
حدّ قلبك لا يفـزّ مـن اول احسـاس ٍيحسـه
انتبه درب العذارى وانتبـه توقـف تجاهـي

انتبه
انتبه

أحمد حياء
قصيدة فاضت منها أحاسيس صادقة
وعذوبة المشاعر إبداع أذهلني بكل حرف
صح لسانك.