[تركي النامي]

جراح يداوي الجروح

قالت: ادعي لي يجوز الله .. يوسعهـا عليّـه
ضيقةٍ ضاقت وربي .. من سبايبهـا المدينـه
ضيقةٍ حطت بقلبي .. ألف جرح .. وألف كيّه
لين صدري لدلهم الليـل .. بكّانـي ونينـه

بيتين كتبها الشاعر بإحساس الطرف الاخر
وصف للضيقه تضيق منه القلوب
وعندما تزداد في ظلام الليل


قلت: يا كيف اتضايق .. بنت مثلك شاعريّه
ناعمه ، عذبه ، رقيقه .. مثل ورد "الياسمينـه"

وصف في قمة العذوبة
ناعمة , عذبة , رقيقه , ياسمينه

والسهد ياكيف يسكن .. في عيونٍ نرجسيّـه
والشقا يا كيف طالك .. لين صرتي له رهينـه

تساءل الشاعر عن التعب والارق كيف يسكن عيونها
النرجسية الحاده والفاتره
ذكرني هذا الشطر ببيت لعبدالله بن محمد المعتز من شعراء
الدولة العباسية :

وسنان قد خدع النعاس جفونه
فحكى بمقلته ذبول النرجس

ثم تطرق للشقا وكيف يأسرها

يوم صارت تشتكي لي .. قلت: يارب البريّـه
هوّن الكربه عليها .. لين تحضنهـا السكينـه

يوم صارت تشتكي لي في نظري ان الشاعر كأنه يقول
بعدما تأثرت منها .. قلت يارب البريه
ودعاء بالسكينة



جادلٍ تكتب حروفٍ .. راقيه ، عذبه ، نديّـه
ما قريت إلا الثمينه .. وانتظر منهـا الثمينـه

وصف من اطلق عليها الجادل العطر
بأنها شاعره عذبه ومتمكنه


بنت بدروب المحبه .. مالهـا روحـه وجيّـه
قلبها بأول دروبه .. ما خـذا احـدٍ حنينـه

بنت لم تخوض اي تجارب في الحب

ليه يا كل العذوبـه .. مشقيـة روحٍ نقيّـه
بنت مثلك مو حرام .. تعيش دنياها حزينـه

محاولة من الشاعر لإعطائها الثقه لتتاجوز الضيقه

والله أني من سبب ضيقتك .. والهم وخويّـه
صرت أشوف الهم يبرالي .. وجوّدنـي يمينـه

بيت يكفي عن قصائد
تأكيد لتاثره بها واحساسه بإحساسها


روحي الله يسعد أيامـك .. ويجعلهـا هنيّـه
وتصبح آمالك حقيقه .. وحلمك اللي تحلمينه

دعاء من القلب بتحقيق الاحلام وتحقق الاماني


عبدالعزيز الجراح


لم تداوي جروحها فقط
ايضاً طلت جروحنا

قصيده تعني ,
الحرف العذب الشامخ

صح لسانك