[هواجس الذبياني]

نصّ مَرَّت فتره على ولادتهُ , قضاها في الحضانه..
وكتب لهُ القدر أن يرى النور في أروقـة المطـر
ولعل وعسى أن يكتب له أن يلقى دفء الرضى في
أحضان ذائقتكم...

ا

الخافق اللي جيوش الضيق تجتاحه= من ضيقته راحتي عيت تهيالي
ابنقذه والخساير فاقَتْ ارباحه = وتنكست أسهم الهقوات من عالي
ماكل ضيقٍ تفك وثاقه إسياحه=أحيان لوإني ألزم داري أشوالي
اساير الاهل والهاجس بمسراحه=ماكني إلا بكون من البشر خالي
أهز غصن الفكر واتطيح تفاحه=واشغّل الذاكره ويزيد غربالي
واسلّم الصمت صوتي والبس وشاحه= واقوم من بين ناسي واجلس لحالي
كف القدر ماارحمتني طعنة إسلاحه=اعطاني الجرح واخذ مني الغالي
في حجرتي كل ما الغا الباب مفتاحه= اطل في صورته واجيب همالي
حتى برفسوري اللي صوته ارتاحه=أغلقت من كثر حزني عنه جوالي
ماريد جرعاته اللي تمنح الراحه= اخفّ يومين ثم ارد في فالي..

ولن ابرح المعـتقل حــتى ارتهن لكـم
شاعرنا الرائع رشيق الحرف أنيق المعني
محمد الفيفي..
وللجميع إحترامي وتقديري ...