مَــدارآتي

[هواجس الذبياني]

مدى صوتٍ لصمتٍ أو مداري = أو آتٍ آت أبدا وانتهي به
مسار ألفاظ فيه إيقاظ جاري =لسان الغيث للغوث ايحكي به
غزير إيقان , ذات إتقان قاري= صعيبات الشوارد من نصيبه

 

[هواجس الذبياني]

ياهاجس الفكر تكفى لااتزودها= أنا غريب بوطن ساحاته امرايه
كم قلت: بسوق عنه الذود وابعدها=ويمر ليلي وأنا اهوجس ابمسرايه
من ينكر الحجه البيضاء وموجدها=له سامريه وأنا ليّ حب موسايه
من بطن قلب احفظ الحكمه وجودها= وإقراك/ني عمق من أقصاك لاقصايه
لاتقص روياك لاخوانك وتسردها =النفس لاوسوس الشيطان رمايه
احروب الافكار خلك سيف خالدها=مسلول يغمد بصدر امكذب الآيه

[هواجس الذبياني]

الخطوط اللي تحت رسم البدايه= كلها متوازيه متعاكسه
مابها نقطة تقاطع ياذكايه=كيف نوجدها وهي متراكسه
ليه راسمها خطا ركز معايه =والله إني ماقصدت امشاكسه

[هواجس الذبياني]

تزخر ملامح فجر الاحلام بالضيق=على ضفاف أخر تفاصيل الإلهام
توقفت نبضات قلب المعاليق=وتلطخت بالدم ساحات الإعدام.

[هواجس الذبياني]

محتاج قربي لكن ماني بلاقينـي=من كثر ماتهت فيني تاه بي دربي
عجزت لوّجد تكامل بيني وبينـي=كل الوسايل عن الغايه تعذربـي

[هواجس الذبياني]

لو الخطا ف.الدّين ما أحدٍ يناقشك = بالعكس تلقى لك أيادي تصفق
لو قلت بس إن أبيض اللون واحشك= كلٍ يقول الله نصّك موفق
لو إن مضمونه يترجم فواحشك = قالوا : دخيلك بالمشاعر ترفق !

[هواجس الذبياني]

ورثت من موت الوفا جرح واحزان = وهمٍ تسلف عتمة من عباتي
وشربت من كف الشقا كاس مليان = أسوأ مراره من ألم ذكرياتي
مجبوره ارحل واترك اقلوب و اوطان = ما ابغى اتوفى مرتين بحياتي

[هواجس الذبياني]

شفت اللي أنتَ شفت لكن إني أغضيت = وجهة نظر ما تستحق أي مجهود
ما اخفيك حين إني على النص مريت = حسيت به جزءًا من العقل مفقود

[هواجس الذبياني]

ما ودي أحكي قصة الصمت للبوح = أحس صدر الصمت مأمن للاسرار

[هواجس الذبياني]

يا مشغله سرّ انقطاعي عن الويب = في واقعي عن صفحة الويب سالي
ما اكذب عليك إن قلت لك يا سما الطيب = يمضي شهر ما مر ذكره ف بالي