مادمت مشغول وما اطري على بالك=يكفي اهنيك يالغالي بمرسالي
ادري بـودك تهنـيني و لا جالك=وأنا انتـظرتك تهنيني و لا جالي
تقبل الله صيامك و أصلح أعمالك=ومنك السموحه إذا قصرت بوصالي

اغراب لكن كلنا نعيش في نفس المدينة=والوصل ماهو ضروري هامشي يطري علينا
ايه قسانا الزمن وعذرنا عاده ندينه=ويوم يجبرنا الوصل نرسل وتتعب يدينا
كيف بالله صار فينا ينكر الخافق حنينه=ومن يردلنا السلام عندنا انه يبتلينا

تراك اللي تشوفه في عيوني = بقايا الأمس و أشلاء المحبه
أعيش وكنني عايش بدوني= خذاني من حياتي اللي أحبه

مايعني انك غبت يعني نسيتك=ولا يعني انك جيت اني براضيك
الله قسم فرقاك ومنها بكيتك=والله قسم ترجع ولاعاد لي فيك
تحمّل الصدمه مثل ما رجيتك=تبقى ودمعي طاح يسقي اراضيك
ماقول لك خاين و انا كم وفيتك=محشوم يالغالي وانا افتخر فيك
بس بصراحه ليتني ما عطيتك=قلبٍ قتلته يوم جا لك يناجيك

في غيبتك وش خانة الصوت والصوره=الشوق ناري وحامي الدمع زادي
المح من الليل طيفك والقمر نوره=واكف دمع الشوق واعلن حدادي

انا ادري انك تناظرني ومستغرب=وشلون انا مبتسم والدمع في عيني
ماني مصدق بعد غيبتك لي تقرب=وماني مصدق بعد ساعة تخليني

يدي على صدري وسهم الحب مجتاحه=ينزف من الدم مدري ينزف اشواقي
واشوف طيفك يعزي الليل بأفراحه=عزاه للي مضى مدري على الباقي

لا تذكر اللي راح ماهوب راجع=شفني تركت اللي مضى عن قناعه
عرفت إن الهم و نثر المدامع=بأسباب ذكرى من تركني وداعه

يوم الأمل نُورٌ عن الدرب محجوب=وش عاد لك تسأل تدور حبيبك
منت بضعيف وتسهر الليل مغصوب=ذكرى تسيٌر بك وذكرى تجيبك
ودمعٍ نثرته للمخاليق عذروب =قالو مهابيل العرب بان عيبك
يا قلب تكفى لا تخلي لك دروب= يلقى بها الشامت علومٍ تعيبك

اصدق كلام اللي يجي بعد الغياب=وأعذب كلام اللي يحسسك بدفاه
واكذب كلام اللي يزيف بالعتاب=يذكر خطاتك بس ما يذكر خطاه

flwr1

واصدق شعور دمعٍ من جروح السحاب=اللي على خد الوفاء ينبت عناه
وأعذب شعور اللي معاه الجرح طاب=يكفي رضاك انك معه يكفي رضاه
واكذب شعور اللي وفاء حبه سراب=تضما وهو يسقي من دموعك قساه

صحيح من يجرحك يقدر يداويك=وصحيح رجوا غير ربي مذله
و أنا تعبت أقول الله يخليك=ارجع لقلبِ هايمِ فيك كله
لكن تدري روح ماني مناديك=الله معك وإن جيت قلبي تدله

تبي الصراحة لا تجامل وأجامل=لولا الوشايه ما تركنا بعضنا
دايم أحس انك علي متحامل=و تحس مثلي و النتيجه افترقنا

كم شربت من الزمن حالي وكم مثله مرير=و كم عرفت أن الصداقة بالحسد متشبعه
و حاسدك لا قال كلمة لا تعبرها و تطير=حتى لو أنك سمعته كن منتب تسمعه

ياصاحبي وان مرت أيام وأيام=حبك يعيش بداخلي ومعتني فيه
حاميه من وقت غدى صدقه أوهام=ومن عين يملاها الغلا والمشاريه
الله مقدر لي وصالك بالأحلام=وهذا يكفيني وأنا راضي فيه
لو كنت عايش مانزف حبر الأقلام=ولا ذبل حالي وتاهت خطاويه

إيه احبك وان حصل مني قصور=يا غناة القلب عن حبٍ جديد
اصدق إحساسي وهتان الشعور=يتباهى لا نكتب فيك القصيد
غايبٍ عنك من ظروفي شهور=بس لك في العين صورة ما تبيد
دمعتي وذكراك في ليلي حضور=كل ليله تنتهي ترجع تعيد