يا ليبيـــــــا ....

[فتحية الشبلي]

هكي يا ليبيا جديدة صح ... وبان عليك النٌّور وضح .....!!
هكي زي ما احلمنا بيك ... وهكي حال الناس صلح ...!!!
انحبك يا ليبيا .....
 

[فتحية الشبلي]

تعلّى في العالي تعلّى بالنجمة واهلال


ها قد عدت من جديد لترفرف عالياً في سماء الوطن ، كقمرٍ منير وسط نجوم السماء...
فتعلّى وزد تعلّى لتطاول عنان السماء ...

[فتحية الشبلي]

الله يا بلدي ايش هذا الجمال ....!!
الله يانسمة من عمق الجمود
الله يارسمة في وسط القلوب
الله ياقبلة على أطهر جبين
الله يا فرحة كل الليبين
الله يا بلدي ايش هذا الجمال ....!!!

[فتحية الشبلي]

ليبيا نادت واحنا لبينا النداء ...!!
انحبك يا بلادي وعمري كله راهو فداء.....!!!

[فتحية الشبلي]

يا بلادي يا أم الزين
يا ورد وفل وياسمين
لفيت أنا لفيت ماريت مثيلك ريت ....
لفيتها بغربها وجنوبها وبشرقها
تحيا الله يحميها بخير وزهاء يعطيها .....
يا ليبيا فيك ناس فيهم ود وفيهم طيبة
كيف الذهب والماس ما يوم دارو عيبة

[فتحية الشبلي]

هضوم فرحة عينها وفوحة ربيع أزهارها
هضوم ردوا دينها ظنا كبدها ثوارها

[فتحية الشبلي]

ليبيا .....
اولادك ثارولك يا أرض الأحرار ....
حقك ردولك هذوم أحفاد المختار ....

[فتحية الشبلي]

عشتِ يا ثورة فبراير ، ركبك ساير هديته الحكم الجاير ...
عشتِ ياثورة الأحرار ، مسحتِ عار لوطني جابه بومنيار ....
عشتِ يا ثورة الأسود ، بلا محسود شبابك جادو بالموجود ....

[فتحية الشبلي]

حب الوطن يا حب ماله حدود يا حب ما قبله الا حب المعبود
رسمناك في دفتر غلانا اصغار ، حضناك في وسط القلوب اكبار
عشقنا شموسك في السماء ضاويّة تبهر وتقهر كل عين حسود

[فتحية الشبلي]

يا ليبيا يا أروع وطن في الكون
ترابك علينا غالي ما شبر فيك يهون
من كيفك ومن يسواك أنتِ السند والعون