طعنة هجر ~

[جميل العتيبي]

مدخل } للغيآب حكايآت لا تنتهي ~ .. أما حكآية غيآبي أنا فـتنتهي بهذه المتواضعه ~ استر ما واجهت وأنا الله بيسترني = ولملم زهابك وخل الفجر ينثرنا مانيب عاذر خطاك ولا ابيك تعذرني = خل الزمن لا قفينا عنه يعذرنا اما تهجر الزعل ولاّ أنت تهجرني = ولاّ نهجر الفضاء من قبل يهجرنا ياصاحبي للوداع المرّ ودعني =الليل هذا هو آخر ليل يجمعنا اترك غرام السنين وقَـفّ واتركني = ماعادت الأرض هي الأرض توسعنا الغيم دمّع وصوت الموج يرهقني = كن كل الأشياء حوالينا تذكّرنا بأيامنا والسوالف وحبنا المبني = على الوفاء يوم ما شئ(ن) يفرّقنا والحين ما عاد تعني لي ولا تعني = كل الدروب اللي عليها تجمعّنا ياصاحبي دمعتي وإن كان تذرفني = بصبر على غيبتك والله يصبّرنا خطاك صدمه ولا به عذر يقنعني = وأنا وقلبي زهقنا منك تقنعنا كل يوم تغلط وغلطاتك تجرّحني = واصبر وقلبي ولا القى لصبرنا معنى وتزود كل يوم وانا العاشق المضني = اللي تعوّد على التجريح والمضنا كل ما سلمت الليالي جيت تكرفني = والقلب له حد يا ينهار يا يفنى فإن مت من لوعتك حللني وبحني = وإن عشت خل الضلوع بهمها تكنى ماعاد فيني صبر والهم يحرقني = كيف الجفون بغيآبك صاحبي تهنى ليت الخطا اللي خطيته قبل مايدني = قد كان ربي عن الدنيا مغيّبنا غلطات الأحرار ماتمحى ولا تفني = نشرع لها ضلوعنا قبل اتشرّعنا تاتي على كل طاري ثم ما نجني = من خلفها غير ضيقات(ن) تولّعنا فمان جرحي وفمان مدامعي دعني = وسافر وخل المساء ياصاح يسترنا بهجر غرامك وأنا أدري صعب تهجرني = مير الهوى لا نوى الهجران يهجرنا مخرج } ليس مؤلم أن جمال البدايات ينتهي بالنهايآت ~ .. بل المؤلم أن النهايات تذكّرنا بجمال البدايات دوماً ~