دم الحُــزْن
............
...........
........
كل ما حاول أغادر عن سجن حزني واكابر=يبتسم لي حارس الذكرى ورمحه في يمينـه
واستدير وكني اللي قام مـن بيـن المقابـر=دافن اربع من عيال ابـوه ومنكّـس جبينه
وجه متسربل ظلام وتنهشه حسره وصابـر=يسحب اقدامه ودم الحـزن متكـوّر بعينه
دافن أغلى ما انجبت أمه رجل عرف ومنابر=وش يقول لأمه إن قالت: أخوك فلان وينه؟
مثله آنا وش أقول لهقوتي لا صـرت خابـر=إني اللي خاب ظنّه وارتشف لوعة سنينه
ومثل ماقفّى عن إخوانه أنـا قفّيـت عابـر=سكّـه اجواهـا ظـلام ولاتـودي للمدينه
مابقى لي حلم لجل احيا على شانه واثابـر=مابقى لي غير رب اسجد لوجهه واستعينه
ودام هذا اللـي بقالـي خبّريهـم يالمحابـر=إني اللي ماخسر في دنيته عرضـه ودينه
وكل كسر بغير عظم الدِّين بإذن الله جابـر=مانكب إلا الرخيص ولا نجيـب إلا الثمينه
29/06/2010, 08:43 AM
دم الحُــزْن
العرض الشجري