دم الحُــزْن

[تركي النامي]

هواجس الشعر ماتجيب الا الثمينة

كل ما حاول أغادر عن سجن حزني واكابر
يبتسم لي حارس الذكرى ورمحه في يمينـه
واستدير وكني اللي قام مـن بيـن المقابـر
دافن اربع من عيال ابـوه ومنكّـس جبينـه

بداية القصيدة حزن يختنق العبرات
أحرف تعني الجزاله بمعنى الكلمة

حارس الذكرى , رمحه في يمينه
دافن اربع من عيال ابوه, منكس جبينه

وجه متسربل ظلام وتنهشه حسره وصابـر
يسحب اقدامه ودم الحـزن متكـوّر بعينـه
دافن أغلى ما انجبت أمه رجل عرف ومنابر
وش يقول لأمه إن قالت: أخوك فلان وينه؟

وصف متمكن
بداية من وصف الملامح

وجه متسربل ظلام , تنهشه حسره , صابر
يسحب اقدامه , ودم الحزن متكور بعينه

إلى وصف الشعور

وش يقول لأمه إن قالت: أخوك فلان وينه؟


مثله أنا وش أقول لهقوتي لا صرت خابـر
إني اللي خاب ظنّه وارتشف لوعـة سنينـه
ومثل ماقفّى عن إخوانه أنـا قفّيـت عابـر
سكّـه اجواهـا ظـلام ولاتـودي للمدينـه

تشبيه ومن ثم المقارنه
لتأكيد انه لا يوجد بينهما اختلاف

وش اقول لهقوتي , ارتشف لوعة سنينه
انا قفيت عابر , ولاتودي للمدينة

مابقى لي حلم لجل احيا على شانه واثابـر
مابقى لي غير رب اسجد لوجهه واستعينـه
ودام هذا اللـي بقالـي خبّريهـم يالمحابـر
إني اللي ماخسر في دنيته عرضـه ودينـه

رغم الحزن والانهيار الإ ان شاعره
لم تخسر وذلك لإيمانها بالله ,

وكل كسر بغير عظم الدِّين بإذن الله جابـر
مانكب إلا الرخيص ولا نجيب إلا الثمينـه

بيت القصيد
يغني عن دواوين

هواجس الشعر قصيدة أذهلتني
اعجز عن وصف إعجابي بها ,

ارتويت منها جزاله
صح لسانك