حالــــــــة غيـاب .. وتقـدر تقول: روتيـــن!!

[أميرة الجابري]

للحين وآنا واقفه .. وانتظر بين =الشك ..! والإصرار..! وحدود رجواي
قلبي يقول : إنتظري شوي تكفين=وعقلي يقول : إمشي ترى ماهو بجاي
والظاهر إني تهت مابين الأمرين=لا وقفت أقدامي ولا سارت اخطاي
يعني تناقض يشبه العسر واللين=بالضبط مثل الصمت لاعاند احكاي
حالة غياب وتقدر تقول : روتين=هيمن على قلبي وشده من أقصاي
ما كنت أحسب إن الجفا صار سكين=لين استراحت طعنته داخل احشاي
خلاص برحل مبدأي وقته الحين=الحين بس أيقنت.! وش قيمة ابكاي
لا الدرب ذا دربي ولا التين ذا تين=ولا موعدي شاعر.. ولا خطوتي ناي
برحل وأسج ومو مهم أرحل لوين=( أهم حاجة ) واضح يكون مغزاي
دنيا المحبة لو غدت لي بساتين=ما عاد ابحني لجلها .. راس دنياي
ياما .. وياما تحتها حط خطين=ياما اشتكت مني مسافات ممشاي
لبست شعري مثل لبس الفساتين=ومتعت غيري بالنظر في محيااي
مايقبل القسمه قصيدي على اثنين=مثل الهوى..!! له زمجره في حناياي
برحل و اخلي لك هنا بس بيتين=والباقيه لا شك بتروح وياااي
تعبت .. وآنا واقفه وانتظر بين=الشك .. والإصرار .. وحدود رجواي
والله ما تعلا على الحاجب العين=أمووووت لكن .. صعبه يموت مبداي.!!