حنانيــ .. آت !

[عبد العزيز الجرّاح]

الغاده اللي فكرها لانبثق نور = ودك تعانق فكرها من رُقيّه تحتاج مثله لا غشى الناس ديجور =يافكرها اللي فيه تسمو البريّه متعة حواره تجعلك فيه مبهور = راقي حضوره باختلاف القضيّه

[عبد العزيز الجرّاح]

وين هالغيبه؟ وانـا تونـي معـك =اطرق ابـواب الغـرام المُلهمـه شاعرك سهـران ودّه يسمعـك =لا تنـام عيـون فـنّ السلهمـه

[عبد العزيز الجرّاح]

تكفى أبنهل صوتك العذب وألهى =عن حزني اللـي فـي غيابـك روانـي ماعاد به أقرب من الحلـم وأشهـى=يـاكــود طـيـفـك ، لا دعـيـتـه لـفـانـي

[عبد العزيز الجرّاح]

كل ذكرى معك ، تندهلي تعال = يوم كنتي تنثريني واجمعك واسرح بفكري على متن الخيال = لين تشربني ، كل ذكرى معك

[عبد العزيز الجرّاح]

يا عذابي ، كيف هالليل بغيابي ؟ مثل ليلٍ ، مرني دونك عقيم ، حزن و شعورٍ أليم .. غربه و برد و عتيم ، دمع وإحساس اليتيم .. كيف هالليل بغيابي؟ يا عذابي .. ياعذابي ، كيف هالليل بغيابي ؟ مثل ليلٍ ، كنت أنادي فيه وينك؟ ليه ضيعتي مع سنيني سنينك وطالت الغيبه ولا جابك حنينك كيف هالليل بغيابي ؟ يا عذابي .. يا عذابي ، كيف هالليل بغيابي؟ مثل ليلٍ ، كان ينزف به صوابي كان برد ، وكان يتلبّس ثيابي ، وكنت أشعر بـ اغترابي ، وكنت ما ألقى جوابي كيف هالليل بغيابي ؟ يا عذابي .. يا عذابي كيف هالليل بغيابي ؟ وكل ذكرى معك تنده لي تعال : يوم كنتي تنثريني واجمعك .. واركض بفكري على متن الخيال : لين تشربني كل ذكرى معك .. كيف هالليل بغيابي ؟ ياعذابي ..

[عبد العزيز الجرّاح]

انتهى عام وبدى عامٍ جديد = وانا عذابي م انتهى من بدابي يشبه بصدري عمر عشقٍ وحيد = أكبر ويكبر كل م اكبر عذابي

[عبد العزيز الجرّاح]

ما سد جوعي بالهوى يوم قطعه = إما رغيف الحب ، ولا افتراقي واعرف إلى قفّيت ما فيه رجعه = لو كان في فرقاك جوع التراقي

[عبد العزيز الجرّاح]

كل صبح اتنفسه شوق وحنين = ودي ان اتنفسك بوسة غرام يعني أصحى لا شعرتك ترسمين = في شفاتي بوسةٍ تقطر هيام

[عبد العزيز الجرّاح]

من طلوع الشمس لين غيابها = من غياب الشمس لين طلوعها والفتون اللي خفوقي ذابها = تصبح و تمسي بقلبٍ طوعها

[عبد العزيز الجرّاح]

من زود شوقي ياكثر ما أدندنْك=من كثر م اكتب فيك سميت شاعرك كلّ الـقـصـايـد ما تعدد مـحاسنْك = في عيني من الحسن مـا شيّ قاصرك