إرهاب وشريعة غاب ( عامِّيات )

[خالد الغاشم]

.

.

.

يسود الصمت في ليله
ويحلى الهمس في ليله
وفي ليله تكون الآه
حصان السبق
ما يعلى عليها صوت
أو حيله ...‍‍!!

وش الحيله
الي جت بالسما غيمه
تحبس الضو عن عيني
وانا أُوميله ..
تأشر لي بمنديله
وتضوي قناديله
والي جت فرحتي تكمل
مطرها جف
ولا يروي ظمى سيله ...؟؟

أطبب نزفي واجراحي
وادور عن سبب راحي
سبب همي وأتراحي
واقول الوقت ..
كفيلٍ يعدل الميله
وش الحيله ..؟

دام الوقت عاندني
وحظي دوم يتعبني
ظلام الليل يرعبني
واشيل الصوووت
بفنٍ من مواويله

وش الحيله ..؟

[خالد الغاشم]

.


.


.


يا اجمل لحظه في عمري
يا قسوه عشتها بصبري
يا جرح استنزف احلامي
وعشتك حبي العذري
يا نار الشوق وياشوق
الوله واسمى تباريحه

عزفتك حرف وغنيتك
بصدق إحساس وادمنتك
يا أجمل حلم في عمري
عيّشني الهوى عُذري
وعشته صدق في كذبه
بمرّ وحلو تجريحه ..!

يا كذبه صغتها بدمعي
وملكتك جزيل أمري
وأمّنتك مفاتيحي ..
وسلمتك تفاريحي
وغنيتك قصيدة حب
على طول الزمن تبقى
وهي كذبه ..!

بها يتسامر العشّاق
يبوح لبعضهم أشواق
يغنوها .. أهازيج وفرح
في يوم فرحتهم ..!!

يشوفوها مثل سامي
واشوفك جملة اوهامي
لها وقفت أحلامي
وبها عشت الهنا كِذبه ..!

صباح الحُب ..
بحجم كذبِك والا عيبك
بحجم هجرك وتعذيبك
بحجم آلام تغمرني
واقول انساااك
واهذي بك

تعال بصدقك العاري
أقولك آخر أخباري
وخط السير ..
ومعاه ..
إشعار بإقراري
مصدق من شهود النزف
ومن هيئة وصيفاتِك
لأنك في نظرهم تربعتي
على عرش الفؤاد
وصرت بك مسحور

تعاليلي بكل غرور
واجيك بقلبي المنحوور
وبكل سرور .. أقولك ..
بس ..
يكفي من الألم ماجا
ويكفي الظلم وامواجه
ترى فلمِك نجح .. وأحسنتِ إخراجه
بدايه من ألا عيبك
وشقاوه عشتها بطيبِك
ألين الظن وشكوكِك
ودموعٍ رسمتيها على سطح الورق
وسيل آهاتِك ...
براعه صعب يتقنها أبد فنان ..!

[خالد الغاشم]

في غيابك
ينشغل فكري عليك
والوله
يا خذني إليك
وفي
حضورك
أبتعد مِنك إليك
بإمتزاجات الشعور
روح وحده
ذابت رسوم الفوارق
وامتطينا الريح
خيله من ورق
واللجام حروف .... والمعنى غرق
يا ترى ..
من هو من الثاني سرق
فرحته والإبتسامه ..؟
من تحمل في ظلام الليل
سهده ... والملامه .؟
من زرع للثاني ورده ..؟
ومن قطفها بكثر صدّه ..؟
أسئله ... وحسّره كبيره
تنتظر نفحة عبير
والحصيله ..
شوق ..
كل ماله يزيد
وفي غيابك
أشعل الدنيا ........... حريق ..!

[خالد الغاشم]

أنزف إحساسي نهر

وأنقش حروفي بصخر

وأنتظر ليلي شهر

ومن القهر ..

أرتجي لحظة قدر

فيها أفنا

فيها أموت

فيها أحيا

من سكوت

فيها أعد أنفاس غيري

فيها أعيد الروح

وأرضي ضميري

وأتجرع بالألم حزني

وأرسمك طيف إبتسامة

طفل ..

تحييني

أنا ابيها .. وهي تبيني

والأجر فيها من الله

ما ابي منك جزا

ما ابي إلا الوفاء

وإن حصل في يوم

إنتهى عمري .. وطوتني سنيني

إذكريني بالدعاء لا تبخلين ..!!

والله إني ناصح وإني لك أمين

إبعديني ... قربيني

إحضنيني .. إجرحين

كفنيني في كفوف الموت

وحتى وادفنين

إروي بغرورك ظماك ... واروي بحساسك هواك

لا تقولين في يوم ... إني مقصر معااك

وكل مافي الأمر كلمه

إيه أحبك .... إيه أحبك ... إيه أحبك

إن رضيتي ... أو زعلتي ... أو شكيتي

مالك إلا الموت بعدي

ومالي إن عشت عندك ... إلا حنين ..!!

[خالد الغاشم]

يابسمة الفجر الخجول ...
ودّي أقول :
جيتي وأنا كـلّي ذهول ...
جيتي نسايم من هنا ..
جيتي عبير يفوح من كل الفصول

... يا أنـــا ...
إلي متى .....نفسي غريبه ..؟
إلي متى ..... وأنتي قريبه ..؟
ليمت أوهاام المسافه ... ترسم حدودٍ الوجود ..؟


مدري متى تمطر عطا ... مزنة الحُب الشرود ..؟
ليلى سرى .. عمري قضى ....
ماخِلت بارقها .... ولا صوت الرعود ...

تدرين وأدري يا .. أنــــا ...
القلب ذاب من العنا ....
نفسي أنا بساعة هنااا...
ألقى بها كل المُنى ..
ونعيد ما ضينا العفيف ..

ونرسم على خد السما ... لوحه غريبه..
لونها ... أحمر شفايف ..
وهمسها ... همس الولا يف ....
نرقى مراقيب السعاده ...
وكلّنا يا خذ نصيبه ...

إسمعيني يا الحبيبه ..!!

الشتا عندي ..... تحول ..
لاهو صيف ... ولا ربيع ... ولا خريف ..
فصل خاامس ..شــذّ عن كل الفصول ..!

صدقيني ...
يابسمة الفجر الخجول ...

يالبسمة اللي طيفها كنه خيال
أشعلت بعنادها ...!
شوقي وحنيني للواصال
ترسل رسايل همسها ..إقرب تعال ..

يا شوق شوقي والمُنى....
عندي أنا ...كل الوفا ..
عندك علاجي ..والدواء..

وأنا ارتعد خجلان من نفسي ...وأقول ....
يابسمة الفجر الجول ....!!
بردااااااان ....!!
ياحضن الدفا ...

[خالد الغاشم]

سااافري ..
يا نسمة الصبح العليه
وخُذي إحساسي ديلك
عن ضياع ..
لا تحسبين المسافه
حتى وإنطالت
قصيره
دافي انفاسي تصونك
عن هموم وإلتياع

سااافري ..

بهمسي وحنيني ..
واحذري لا تجرحيني ..
ودّي آصل له حياتي ...
بأحلا صوره يرتجيني ..

سااافري ..

بين البراريا ..
ووزّعي ورودي هدايا ..
من البدايه للنهايه ..
حتى اصحاب الوشايه ..
خبريهم ..
قصة الحُب العيف ..
قصة إحساسٍ تنامى ..
تمازجت فيه الفصول ..
وشكّل بطاغي هيامه ..
فصل خامس ..
فيه تحتار العقول ..
واتركيهم في فضول ..

وسااافري ...

[خالد الغاشم]

ودّي اقول :

كلّي أنا بدنيا الوله
عايش على شط الفضول
عيني تقول .. همسي يقول ..
حرفي يقول ..
حتى القلم منّي تعلم وش يقول ..
من دون ما اطلب يجي ..
مستهدي لكفّي قِدي ..
يقرى احاسيس توارت في خلِدي ...
هو معتدي ؟... هو مهتدي ؟.. مدري ..!
بس الأكيد إنه تسبب في جهدي ..
والبحر يرسل موجته ..
الشط يلثمها خجول ..

يا بسمة الفجر الخجول ...
الوقت عيّا لا يزين ...
والعين ما صارت تعين ..
حت القدم حارت .. وانا ..
محتار فيني ... من سنين
والوقت عيّا لايزين ..!

[خالد الغاشم]

.

.

.

أنغام حرفـي تشتكـي=إجحاف مقطوع النظير
من نزف جرحي يستقي=يراعـي المبـري دواة
يمشي على خد الـورق=نشوان واحساسه كسير
يرسم معالـم حيرتـي=ميّت ولا يرجي حياة

!

[خالد الغاشم]

صدى صوت السكون اقسى
على قلبي من التجريح
يزلزل نازف جراحي
يجرح صمتي الغافي
يغرّد في سما نبضي
لحون الريح ..!
ويسقيني مع الفرقا
مرار الحنظله والشيح
أنا في حيره من أمري ...!
أنا مدري وش اللي قدر جرى..... وقد صار..!
وش هي أول أفراحي .. وش هو آخر المشوار ..؟!
تعالي واحلفي با الله قوليلي .. من المسروق ..... والسارق ..؟!
من اللي توه الثاني .. من اللي هيض اشجاني ..؟!
من اللي علم عيوني تهل الدمع .. عكس السير ..؟!!
أنا اذكر كان في صدري ..
طفِل موهوم ..!
يناغي لوعة فراقك ..ويلهج بالرضاع سموم ..!
إلي هبت نسايم عطرك الفاضح ..
تباشر .. وانتعش .. يضحك .. بدايفرح
بدا يرسم صور أحلام ........ وأدتيها ..!!
وش أقسى من وأد حلم لـــ طفل ... كانك عرفتيها ..!!؟


ومع هذا .......

تعالي ..واحظني طفلك
تعالي واسكني جنبه
تعالي واطرقي بابه ...تعالي وانعشي قلبه ..
تعالي .. واعتلي عرش الفصول الخمس ... يا حيي ..

تراك انتي..
ظمى روحي ..
هواي ..
وظلمتي ..
وضيي ..
انا عن زمهرير البرد ..
دفاك وحصنك الآمن
وأنا لك من هجير الصيف ..
ظل .. وفيّ
إلي زاد الظمى فينا ... تساقينا .. منك شوي ...... ومني شوي
أبد .. مثل الحمام اللي يعلمنا ... أصول الحُب ...!!

[خالد الغاشم]

.
.
.

حبر و ورق


أنتِ وأنا

كنا هِنا .. نجهش على حف الورق

نرسم نهر

نصنع سُفن

نبحر .. نسافر ... ونغرق ..!!

نتخيل الموجه تجي

ترمي لنا طوق النجاة

لوحٍ طفح .. فووق سطح الماء.. والماء من فوق الورق ..!!

اقول خُذي .. وامسكي باللوح .. حتى تسلمين

واتركي موج البحر وإلا النهر .. لي ..

المهم أنتِ تسلمين

بصارعه ... إما صرعني .. أو صرعته

وإلا ذبحني أو ذبحته

المهم لا زم تمسكين .. والأهم إنك تسلمين ..!

حتى الي الشاطئ يوصلك بأمان ..!!

كوني بأمان ... وإلا أنا .. للموت وربي من زماان

إن سلمت أكيد راح أرجع إليك

وللحياة أعود من لمسة يديك ..!

* * *

جيتك وأنا مشتاق .. والشوق في قلبي رعد

والبرق من عيني شعق

ورغم الضياء والشمس .. وزهور الحقول

ما كنت أشوف إلا سنا وجهك

واطيافك بعيني يجول ..!!

بس للأسف ...!!!

كانت أحلام الحقيقه ... والحقيقه تاهت بغبة بحر

* * *
فوق الورق

كنّا أنا وانت .. على المركب سوى

غصت في غبة اليم اليتيم

ورفرفر جناحك على متن الهوى

مدري كنتِ بحزن ..وإلا تفرحين ..!!؟

الله أعلم بالخفايا والقلوب ..المهم

إني جهشت اليوم .... وأبكيت الورق ..!!

الله يا حلو الغرق ..!!

* * *
إحساسي الليله غريب

عاشق

ومالي حبيب

إحساسي الليله

ألم

حلمي تسامى

وإنثلم

إحساسي الليله

دموع

صدقها يروي شموع / يطفي شموع

ونارها جمرة غضى

وإن خلتها تحت الرماد ماتت

قرب لها يصعد لظاها للفضاء

ورغم الشتاء

تدفي بساتين الألم

وهي الألم فيني توارى ...... ما قضى ..!!

والله يا حلو الغرق .. بحبر و ورق ..

كذبه ..

حكايتها بدت

تمسكنت ... تمكنت ... وكل الموانئ له صفت

وتشعّبت .. في كل شريان ووريد ..

مو غر يبه .. طالما هي صدقتها

تحسب انّي ما دريت ..!

حتى انعتتني بالغبي

قلت : العبي ...

هذا زمانك فاركبي .. متن الهوى ضاهي مراويح السحاب .... وتلاعبي

لا تاخذِك نزوة حنان .. ولا تمنِعِك صحوة جَنَان ... عيشي حياتِك با تزان ..

ثم اطربي واستطربي ..!

ما صدقت من غيّها .. راحت تمارس غيّها .. في شمسها في فيّها

تفخر تماري بزِيّها .. حتى اعتلت عرش الغرور ..!

قالت : ملكته وش عَلَي ..!!؟

دامي على عرشه رسيت .. ورايتي ثبتها .. واوقدت فوقَه مشّعلي

با الله قولوا وش علي ..؟

نادمتها .. واكرمتها .. وعن الظمى أسقيتها .. كاسٍ مِرِي

رغم المرار اللي سقتني .. صنتها .. !

وفهّمتها .. إن الغبا منها وفيها محتبي .. وتفاجأت .. هلّت مدامعها وفاجت

قالت تدلل وش تبي ... ؟

قلت : لِلَّه ... ماهو طريقي ومذهبي ..!

سامحتها ودّعتها .. وطويت صفحات الغبيّه ........ والغبي ..!

صدقوني .. ما اغالي .. ولا ادّعي إنّي مثالي

شاعر واحساسي شمالي

إن عشقت أعشق بقوووووه .... وإن كرهت اصدّ واناجي خيالي ..!

لأني بصراحه قلتها واقولها :

ما بقالي قلب يعشق ويغرق

وفوق الورق أجهش خيالي واحترق

حبر ........ و .......... ورق

.

.


؟