[ صكات بقـ ع ـاء ] .. وقطرتي الأولى :)

[ندى القحطاني]

يا [ دمعةٍ ] حارت على باب الجفن / لا تَقرعين!!
.....................وأنتِ تريِّ دمَّ الكرامه .. والشموخ يُراق .. /بكْ !!
متى يواطنك البخت يا [ دمعتي ] وتقرّ .. /عين !!
...................ويزملك [ عُمق إبتسامه ] والربيع / يـراقبك !!

مسقطي / في { قريه الفانوس } .. لكنّي نزحت = صوب { مصباح المدينه } / أرتدي .. روح الفقير !!
لا يغّرك يا قديم الحزن لو - سهواً - / فرحت !!= أو شخطت { خطوط ثلجيّه } على صفحه / سعير !!
أصدرت [ تعويذه الأفراح ] حُكمي وانجرحت = وفي حصير العمر / مدري وش مصيرك يالحرير ؟!
ديدنه حظي المبعثر / لا استراح ولا استرحت = كم وطاني ؟ وامتطاني ؟ ثم رماني / بقاع بير !!
وغبّشت وحشه { ولد يعقوب } أعياااني / وصحت := ليتني / عصفور .. وانفش [ جرد جنحاني] وأطير !!
ودكنّي زمل الظنون وبعثروني فوووق / تحت = وشلت حملٍ كالحمول اللي برك منها البعير !!
ونامت دموع المطر في محجر الغيم وسرحت = أسبر أغواري بتردد موجتي / عِبر الأثير
لو رميت - لوصل نايفه العُلا- نردي ربحت = وانشدوا / قرطاس شعري ، والمعالي ، والعشير
وعزتي / تلمس شموخ سهيل لامني مدحت = وسيرتي / لامن لقطها الجمر / ناضت بالعبير
ليه تلحقني مشاريه الليالي .. لا دمحت ؟!= ليه تقطفني [ عنب ] وتبّدل أحلامي [ شعير ] ؟!
وسط أمواج المواجع / عكس تياري سبحت = ووقت طفرة نشوتي .. جفت ينابيع الغدير !!
واصطلى / وسط الحشا .. جمر الأسى لما لمحت= طير روحي بين أقفاص الألم يبكي /أسير !!
كنت ( شباك الأمل ) في ناظره لما انفتحت = انتعش تعبيره اللي ملّ كِتمان / الزفير !!
وسالت دموعي كسيفه.. يوم شيعته ورحت = ما بيدي حيل يا طيري / سوى دمع(ن) نثير !!
أبكي ذنب(ن) لا اقترفته / لا سلكته / أو جنحت= وابكي عيون السعاده .. لأنها عمياء الضمير !!
وفاح صدري بريح فرقعه الحطب لمّا صدحت : = داخلي فلاح ضامر وسط غابه { لا مصير }
اهزع غصون الخفوق ..لسدّ جوعه / مافلحت= وفي عذابه ما ظهر بين البشر له من خشير!!
وصرت [ فرصه ] من ذهب ( في كف أقداري سنحت) = والبلى صكات بقعاء شيّبت قلبي الغرير !!

خالص الأماني للإرتقاء إلى ( رُبع ) ذوائقكم
العذبه والمُتراميه على ضفاف سماوات العلو ..
ندى القحطآني
شروآي ح ـلم