حنانيــ .. آت !

[عبد العزيز الجرّاح]

الله يصبّحكم يالوجيه المطاليق = ب.أجمل وأزكى من ورود الفيافي
اللي مداوم جعل يومه توافيق = واللي مأجز جعل نومه عوافي

[عبد العزيز الجرّاح]

لا صار عشقي .. عشق طهر و نقاوه = مثلي إلى من غاب .. يوجع غيابه
أنا حياتي صدق ، ضحك و شقاوه = وانتي حياتك كذب ، دمع و كآبه

[عبد العزيز الجرّاح]

واتنفسك عطر إن تبخر تبخرت = لا تكسري في يوم قنينة العطر

[عبد العزيز الجرّاح]

يا طول ليلٍ به الذكرى ونيسك = ينثر عليك من الهموم وتعسها
الحزن يبقى بالمحاني حبيسك = والشوق ناره في ضلوعك قبسها

[عبد العزيز الجرّاح]

كـــــثـــّـــر الله خـــــيــــــرك .. كـــــــــــان تــــبــــغــــى وصــــــالــــــي =وكــــــــــــان تــــبــــغــــى فــــــراقــــــي .. كــــــثــّــــر الله غــــــيــــــرك

[عبد العزيز الجرّاح]

حضرة جنابك مغرمه في سموّي= وانا سموّي عشق حضرة جنابك فكرك وحبّك من يليق بعلوّي = يومٍ علوّي هايمٍ في سحابك

[عبد العزيز الجرّاح]

انتي أجمل من صحت عيني عليه = وانتي أكثر من ملا قلبه طُهر
لو عدال الأرض مثلك في يديه = كان مابه ظلم في العالم ظَهر

[عبد العزيز الجرّاح]

وصلك دفا في ليل من شعر ومطر = وصوتك زهر في قلب من قلبه خَلي
وشَعرك بحر في ليل وانفاسك عطر = وحسنْك دُرر ، يا قوت و الماس و حِلي

[عبد العزيز الجرّاح]

يا هلابك غايتي في كل حزّه = وانتي اصحاب ومواليف وقرايب
ما نسيتك لو نسى الأعراب "غزّه" = ما نسيتك لو غدى هالعمر شايب