حنانيــ .. آت !

[عبد العزيز الجرّاح]

يا صبحك اللي ابتدي به جديدي = لاسترسلت أنفاس صدري تعابير يورق على أغصان صبحك قصيدي = لين ان من صبحك تغار العصافير

[عبد العزيز الجرّاح]

نامي على إحساس .. قلبٍ يحبّك = واصحي على إحساس .. عاشق جنونك مدري علام الليل .. دايم يسبّك؟! = يمكن عشان الصبح .. نام بعيونك.!

[عبد العزيز الجرّاح]

كــل يــوم راسلـنـي .. عـلــى أوّل الـصـبـح=من قال فيها ازعاج.؟! وصلك ضروري والله لـــو بـدلــت .. حــرفــك مــــع الــرمــح=لااقــول رمـحـك .. مــن دواعــي ســروري

[عبد العزيز الجرّاح]

جيت ارسم البسمة على شفتينك = وامسح دموعٍ من عيونك تناثر وازرعك في صدري واعوّض سنينك = ويقوم حظٍ بالهوى كان عاثر واهدره دمي لجل لحظة حنينك = ما عاد تفرق كان عمري تداثر ليتك قريبه كان أقبل يدينك= وحبك بقلبي كل دقه يتكاثر

[عبد العزيز الجرّاح]

واتنفسك عطر .. ان تبخّر .. تبخّرت = لا تكسري في يوم .. قنينة العطر

[عبد العزيز الجرّاح]

من يوم غبتي والليال اتشابه ! =ولليوم مدري ليه كان ابتعادك ؟! ليل وسهر وهموم ، ضيق وكآبه ! =حزن وأرق واوجاع جرح افتقادك !

[عبد العزيز الجرّاح]

أدري بأني أوحشك كل ساعه= واني على بالك ولو فيك ضيقه وادري بعد تدرين فيني طماعه= يومٍ يمر بدون صوتك م.اطيقه وادري بعد تدرين مر القطاعه = والحال من بعضه دقيقه، دقيقه وتدرين عندي في غرامك مناعه = ماغيرك أحدٍ معه مني وثيقه وادري بعد هالكون رغم اتساعه = مثلي فلا تلقين في هالخليقه

[عبد العزيز الجرّاح]

رفيق ليلي هالشعر، كيف أخليه ؟!=محدٍ يخلّي في الليالي رفيقه هذا خويي دونه الليل م.اقضيه =مبطي وانا وياه خوّه وثيقه وان كان يجفاني فلاني بجافيه = أشعر معاه طيور روحي طليقه الشعر يحييني وانا دايم احييه= واتنفسه لا صار في الصدر ضيقه م.اذكر عصاني لو صعيبه قوافيه = كل ما ندهته صوبي يعرف طريقه مجنون شعر واعشقه حيل واغليه= وحرفٍ كتبته صعب يخفت بريقه

[عبد العزيز الجرّاح]

جيتي بدربي لين صرتي بقلبي = صدفه وتسوى بالهوى ألف موعد في حين غيرك يحلم بيوم قربي= شرّعت لك بابٍ له اسنين موصد

[عبد العزيز الجرّاح]

وافتقدني عشق والقاني وحيد = في غياهب ليلتينٍ غيّبتك واتساءل ليه تبقيني بعيد؟ = خايف الأيام بعدي عذّبتك هذي الأشواق تكتبني قصيد= وادري انها شيبتبي وشيّبتك