اشتياقــــــ,,

[اشتياق الناصر]

.



.








أدري إني غير واحساسي خيال!!
وإن مابه مثل قلبي في البشر!


تبطي يدين الحقيقه والمحال
تنجب اللي تزرع الخطوه زهر


مالصوت الزيف في قلبي مجال
كن صدقي بين ضلعيني نهر!


أكبرذنوبي شعور مايطال
كنه قطعة غيم لو قطعه طهر!


بس مره قلت لاحساسي تعال
وطاح في درب المواجع وانكسر!


يومها..غصيت.. في صمت الليال
لين صرت..اشعل من اوجاعي جمر


في عيوني من قسى حلمي سؤال
ليه..كسر..الحب يبطي ماجبر


ليه حظي ينتهي دون الكمال
وحاصل احلامي..غدى حفنة صبر


داخلي طفله..وداخلها جبال!
من هموم ومن معاناه وقهر!


كلما ذقت الوجع قلت احتمال
ينتهي درب الاماني والسهر


آتصبر.. لوطريق الضيق طال..
وأحتري صبحٍ..عسى فجره ظهر