مياسم

[حكمت الناهي]

خوي من قوى عوده ماسئل شل بيه

كنت خيط وابرة بيوم السمل وشل بيه

يوم هد المرض على ضهري أشل بيه

خوي بالاسم ماريدة لحظة نثر التراب



أنه عيوني على فرقاك همال

وضاع الوطن والخلف همال

وهن بي العمر والحمل همال

صقر مهيوب مالت بيه الاقدار



أريد ابكي على فرقاك يا صاح

دوهني الوكت مالغلط ما الصاح

سهاد الليل لون الديك ما صاح

ياعون طير الفلا شافك وظل هام



أنه عقلي بهواكم حقه لوجن

كثر ما هام بقفاري البر الوجن

أناظر بالسراب انسان لو جن

لاتعتب على المصيوب قربت منيته



تذكرتك ياترف وانه ادك بالهان

مكانك بصد رالسلف يا مزينك هان

تراك طيب أصيل وعشرتك ما هان

ياللي طيبك مثل بن يماني



بليل اقلب النار والحطب دخن

وأذكر وليف الروح واهمل ودخن

انه ابكي المحبوب والعقل دخن

عوا ذيب الفلا بهاي المسية



شبيه الطير انه قلبي على أ وهام

وأرفرف فوق منازلهم على أوهام

ياعمر انقظه أوهام على أوهام

تردى بي الوكت وأحرب وغرب
....
غرب النرويج برمنجر  

[عبد العزيز الجرّاح]

حكمت،
صباحك خير ..

وأهلًا بك وهذا النص الجميل ..
للشعر العراقي نكهة تميّزه عن غيره.
وهذا النوع من الشعر يسمى "الأبوذية"
أقول ذلك بناءً على الخلفية البسيطة جدًا
عن الشعر العراقي.

شكرًا لك، فقد أتحفتنا بهذا النص.

تحاياي

[سحايب العازمي]

صح لسانك الف واعتلا شانك

ويسلم إحساسك العذب على هالروعة والإبدع

يعطيك العافية

ودام لنا عطر حروفك

[حكمت الناهي]

المشاركة الأصلية كتبت بواسطة عبد العزيز الجرّاح

حكمت،
صباحك خير ..

وأهلًا بك وهذا النص الجميل ..
للشعر العراقي نكهة تميّزه عن غيره.
وهذا النوع من الشعر يسمى "الأبوذية"
أقول ذلك بناءً على الخلفية البسيطة جدًا
عن الشعر العراقي.

شكرًا لك، فقد أتحفتنا بهذا النص.

تحاياي

عيدك مبارك ايها النبيل اخي عبد العزيز الجرّاح شكرا لرقة مشاعرك النبيلة نعم وانت سيد العارفين صحيح الابوذيه ... ومصدره الاذيه واللوعةالتى يعاني منها كل مكلوم ومفجوع بوطنه وأهله وأحبته وابنائه... والحمد لله العظيم انعم على بفضله وهئ لي جهاد الكلمة الشريفة الملتزمة ...سيدي احملك السلام لمن معك من الاخوة والاخوات الادباء والاديبات ... راجا للجميع أرق الامنيات