~~هنا...( بعثرت شنطة ألم ) من حب~~

[سالم السيفي]

حينما تجبرك الاشياء على كتابتها .. لا يعني أنك خارج نطاق المنطق ..ولا يعني أيضا أنك مجبرا على كتابة شيء لا تدرك معناه .. تأتِ الحقيقة .. مرسومة على منضدة فكرك وتبلورها الى واقع لا مفر منه ..

هتاف ..ويشعل الجرح الأليم بكلمتينٍ .. سرب=يســـافر بي على حد المــسا المجروح يحويني
أنا لا فاقت حرْوفي وطن أتنفسك بي عشب=أروّضــها وأكتب في ضـياء عمري بساتيني
رسالة كنّها ضاقت وجع من اشتعال الصخب=روتها شعــلةٍ تاهت بأدراج الدجى .. ويني؟؟!!
أجيك وما بقيت إلا ضلـوعٍ احطبيها حطْب=ولميّ من جروحك انكـــسارٍ ذاب بيديني
ألا يا بنت من علّم عيـونك احتراق اللهْب=وش اللي أقعد الصبح الضحوك ووين.. صحيني؟؟
زمانٍ ما رحم أرقى الخلايق .. قد كسرنا غُلب=رمى حجر الوهم وجه الطريق الفارعة بتيني
كسر حتى القوارير الغريرة .. انكسار ونهب=جرح حتى التفاصيل العظــيمة من عناويني
ألا يا بنت خليّ أمـرك الجافي لأ ..الله الرب=عسى تلقي بعد طعم الأسى وقت الدفا .. ليني!!
مدام أن الهوى كسّر جناحك والمدى قد شّب=بنارٍ تاهت بعظم الرجاء وأقفّرت الطيني
وخيمّ بك سهمْ جرّح ضلوعك معلنٍ بك حرب=وتورق طلتك شوك العذاب وقلت اعفيني..
خذي عصفور قلبك احملي نهر الغياب العذب=وأسقي شفته لذة بعااااااد و قال : اسقيني
ونامي مع ليالٍ عافت الطبع السقيم الصلب=يناديك الهنا : يابنت أنا لك وجه اشريني
كذا وأنسي بلادٍ بعثرت شنطة (ألـم من حب)=ولمي كل وجهٍ يوهبك زهر.. ورياحيني
ونامي ياعسى جرح الليال المغترب ما طبّ=على يدك ولا طيفٍ سكن أقصى الشرايني
أمانة واذكري هذا الحكي لا جاد وأعشوشب=وردي وقتك العاثر ضيــاء فيّ وبساتيني
وأنا جيتك مشاعر صادقة لو تحسبيها سرب=تسافر لك على حد السماء لك جات تحويني

سالم .