( لـ عيون شاعرها ) ..!

[نايف السميري]

.
.
عذراً على الغياب ..!

غلاها يســاورني علــى ســرقة احلامي =وانا اشرب غلاها شرب من شان خاطرها
يمـد الوله لاطــراف عيني ولا اقــلامي =وتكبر مساحـات الولـــه يــوم اســافـرهــا
تهج الدروب ابوابها واســرج اقــدامــي=واجيهــا وانــا في داخـلي شـي سـاهـرهــا
واســولـف لها عن سالفة فرحة أيــامـي=وكـيـف اسـتمـالــة ليـن غرقـت محاجــرها
كثر ما اقترفت البعد والحزن واوهامــي=كـثـر ماتـمنـيــت احـيـي احــلام واقــبـرهــا
كثر ماسريت الصمت من شان لـــوامي=كثــر ما عشقت الصبح من شان اسـاورهــا
تمـنـيـت تقـــرأ ويــش خـلفـــي وقدامــي=ووش كــثــر تأخذنــي اليـــا جيـت ابـذكـرها
ولو اني اعرف وش ورى بصمة ابهامي=مــاكـان اسـتــحثـيـت الليــالــي من اخـرهــا
ولــكــن انـا شـاعــر وتأخذنــي احلامي=كـثــر مايأخذهـا الشــعــر لـ عيون شاعـرهــا

 

[عبد العزيز الجرّاح]

نايف ،

سرني أن أكون أول من يتنفس
عبير حرفك...
شاعر لا تشبه بحضورك إلا أنت ..!
تكتب الشعر ، الشعر ..


شكراً لهكذا حضور ...
دمت ودام تواصلك ...

[سلطان العاصي]

نايف السميري

قصيدة جميلة جداً.
شاعر جزل ومتمكن.
صح لسانك والله يعطيك العافية.



تقبل تحياتي
سلطان العاصي

[أحمد الـ سعد]

ولو اني اعرف وش ورى بصمة ابهامي
ماكان استحثيـت الليالـي مـن اخرهـا
ولكن انـا شاعـر وتأخذنـي احلامـي
كثر مايأخذها الشعر لـعيـون شاعرهـا

- يقال بيت عن قصيدة وما أراه هو بيت عن قصائد
- أستاذي / نايف الشعر
- هنيئاً للشعر بك وهذا يكفي .


.

[نورا عمران]

مررت من هنا
استوقنى هذا الرذاذ الندى

شاعرنا السميرى

تقديرى لبهاء حرفك

[نايف السميري]

.
.
عبدالعزيز ..

وانا مبتهج لـ هذا المرور الذي اتى اولاً ..
وماحمل من نور/ارتقاء ..!
.
.
دمت بحب وشعر ..
.
.
تحاياي

[نايف السميري]

.
.
اخوي / سلطان ..

سعيد بمرورك وإطراؤك ..!
.
.
دمت متوهج ..
.
.
تحاياي

[نايف السميري]

.
.
البهي / احمد ..

يعلم الله ان اطراؤك منحني الكثير من الارتقاء/البهجة
وإشادتك اضاءه حقيقيه لشخصي ..!
.
.
دمت مبهج ..
.
.
تحاياي

[نايف السميري]

.
.
نورا عمران ..

اسعدني مرورك وجميل ان مانثرته من حرف
نجح في الارتقاء إلى ذائقتك ..!
.
.
مبتهج لـ مرورك ..
.
.
دمتِ متوهجه ..
.
.

تحاياي

[فواز السرحاني]

نايف السميري


صح لسانك ولاهنت

رااائع كعادتك


دمت بخير