!.. إزعاج ميراج ..!

[خالد الغاشم]

.

.

.

أنا الليله احساسي يلوج الحشا ويـروج=على موج خفّاق الحنايـا لـه لجاجـي
تلوح بنظر عيني بروق وبروق تفـوج=ومزونٍ طوت برقٍ تلالا على ادلاجـي
سريت وسرى بي هاجسي عاليات بروج=رقيت وسقيت القاف من عذب هدّاجـي
تغنّيت بلوحونٍ تسامت عـن المـدروج=تفنّنت فـي قفـل المعـرّف بمزلاجـي
عيوني تشوف الزين والشين والمعووج=تشوح بنظرها عن تخاريـف هرّاجـي
وعقلي يميّز صاحب العرف والمرجوج=ولي في تصانيف البشر عرف ومزاجي
اداوي بصمت النزف جرحٍ غدا له سوج=لدامي رضيت الجرح انا عارف علاجي
اسدّل جناحي مثل حرٍ شهر مـن فـوج=على راس مرقاب الطنا وكري العاجـي
اصرّف رياح الشوق من واقعٍ لجلـوج=على كيف ماهبّت هبوب الهوى تاجـي
يجن صافنات الخيل عندي بدون سروج=اروّض اصايلهن على رغبـة سراجـي
واسرّج بنات الريح مما غـلا ممـزوج=بزادٍ زمى نزّه علـى نـزوة ازعاجـي
انادم صدى صوت السكونٍ بهزيج الموج=وادشّن سفين الشوق في بحرهـا لاجـي
انادي بشارات الأمل غايـبٍ عمهـوج=على كيف ما كان القدر راضيٍ راجـي
واكحّل عيون الليل بالخافـي المسهـوج=واسجّ بتفاكيرٍ لهـا ازعـاج ميراجـي

.

.

.

دايم

 

[هند بنت محمد]

امشاج من ماء الاوركيدا والسوسن
انسكب هنا
وعبق يتغلغل حتى اخمص الروح

صح كُلك
المكان يتنفس بعطرك

[عبد العزيز الجرّاح]

خالد ،
هكذا أنت دائمًا .. تحضر .. فيحضر
الشعر.
قصيدة مميزة جدًا ، جدًا.
من حيث كثافة الشعر وَ صعوبة القافية
وَ الفكر وَ الوعي الكبيرين.

عيوني تشوف الزين والشين والمعـووج = تشوح بنظرها عن تخاريـف هرّاجـي
وعقلي يميّز صاحب العرف والمرجوج=ولي في تصانيف البشر عرف ومزاجي

هنا الشعر وَ الفكر وَ النظرة
الثاقبة.
لرجل وشاعر له تجربة واسعة في الحياة ومعرفة
في البشر وَ أصنافهم.

اسدّل جناحي مثل حرٍ شهر مـن فـوج =على راس مرقاب الطنا وكري العاجـي

خالد ..
والنعم بك .. وبـ القبيلة التي تنتمي
إليها.

شكرًا أن أتحفتنا بـ هذا النص
الثقيل شعرًا.

تحايا الجرّاح

[سودة الكنوي]

أحيي خيالك الخصب
الذي ينبت الصور الفنية بكثافة
و نضارة تسر الناظرين..

خالد الغاشم..
تحية لقلمك الأخاذ

[فواز السرحاني]

خالد الغاشم


ما اروعك


صح لسانك ولاهنت


ودام لنا هذا الابداع


دمت بخير