تدري الغرابه وين ياسيدي فيك=كانك على عرش الفخر ماتربعت

[عيد السعدوني]

مما لا شك به لست أول من يكتب في صاحب السموالملكي الأمير / عبد العزيز بن فهد
ولكن أتمنى أن أوفق في ما كتبت ..
ومهما كتبنا في سموه لن نكفيه أو نترجم عن ما نكنه من حب وولاء له اطال الله في عمره وعافاه ..


عرش الفخر

لبيك ياقاف ً على الطيب لبيـك = دامك سبع ماهو غريب ان تسبعت
لا يلحقك شـك ٍ وورد معانيـك=عندي من جذور الجزاله تفرعت
أرقا سنود وغايتي من مناشيك=اشرب قراح الي بصيته تسمعت
عبدالعزيز ونومستنـي مباديـك=لانك على فهد الجزيره تطبعـت
ياسيدي والمجد ساسه مرابيـك=والعز امانه وانت لاجله تودعت
والشعر لادرهم ذلولـه يغنيـك=والمدح يزهابك وانا ماتشبعـت
لايا عريب الساس يفنا معاديـك=شريت مدحك بالمحافل ولابعـت
زيزومها يوم الليالـي شرابيـك=من طيب راسك بالمكارم تولعت
من كثر خيرك بالسحابه مراقيك=ومن كثر جودك بالاوادم توزعت
الله خلق لكن فرق في مواريـك=لاذعذعت سود المواقف لها فعت
والله خلق لكن فرق في مساعيك=من غير طلبه لنشاما تطوعـت
عافاك ربي كثر ما تبذل يديـك=ياما على المحتاج بالضيق وسعت
العز مدهالـك وراسك يقديـك=ولاهي غرابه بالفعايـل ترفعـت
تدري الغرابه وين ياسيدي فيك=كانك على عرش الفخر ماتربعت