محتاج ..!

[خالد الغاشم]

.

.

.

مشتاق اغنّي وازعج بصوت برّاق = محتاج والحاجه غريبه عجيبه
تعنّ بالخاطر هواجيس عشّاق = ويشن هاجوس الضماير قنيبه
قنيب ذيبٍ في دجى الليل ماراق = والصوت مايبري جروحٍ عطيبه
أرسل سلامي مُفعم بحر الأشواق = مضمخ بدمع الفراق ونحيبه
للي على عرش الحنايا له اشراق = في كل لحظه ادعي الله يجيبه
داي ودواي زعاف قلبي وترياق = عشرين عامٍ مالقينا طبيبه
الياس عنّي مبعد ابعاد سرّاق = غاب وتغرّب خشيةً من طليبه
اعيش حلمي واقع بروح مشتاق = أبني صروحٍ من خيالي واعيبه
واعيش حاضر نازف الجرح غرّاق = حلمٍ يداعب شيبتي والشبيبه
لجل التوازن يلزم اشعال واحراق = باب الأمل مفتوح مافيه ريبه
ما قدّر المولى على العبد ينساق = ما يمنع المكتوب وقفة قريبه

.
.
.

عيكم مُبارك
وكل عام وأنتم بخير


دايم

 

[عبد العزيز الجرّاح]

الجميل / خالد الغاشم
يسرني جداً أن أكون أول الواصلين
لـ عبير حرفك...

فـ هذا الحضور أعذب / أقرب ...
شعراً وشعوراً ...


خالد ...
أسعدني جداً تواصلك ...
من القلب شكراً لحضورك ...
وكل عام وأنت بخير ...


مودتي و تقديري

[حـــره]

داي ودواي زعاف قلبي وتريـاق
.......................... عشريـن عـامٍ مالقينـا طبيـبـه
الياس عنّي مبعـد ابعـاد سـرّاق
.......................... غاب وتغرّب خشيـةً مـن طليبـه



هذا الغياب كـ المرض ..
موجع .. !
الشاعر / خالد الغاشم
صح لسانك على هـ الباذخه
ولاهنت

[ساره الغامدي]

::

الفاضل .. خالد

لِشفيفِ النُوْرِ بعبقِ حَرفِكَ
دَوَاتُ إبدَاعٍ تِهطلُ بدِيمَهَا كـ نفحَةِ
ارتوِاءٍ بالنَفسِ
:
صَحَ بيانكَ ..

[فواز السرحاني]

ما قدّر المولى على العبد ينسـاق
ما يمنع المكتـوب وقفـة قريبـه

الله الله ياخالد الغاشم

صح لسانك ولاهنت

دمت بخير