ذكـــريآت من الطهــــر .. !!

[محمد بن شتير]

ليـه ؟ انـا كلمـا أتذكـرت غالـي تعبـت=وأنت متعب وأنا أدري لك من أسمك نصيب

/




\



/







وين أنت يا اللي للأبد غايب و أنا غايب معاك
أستغفر الله .. هو بقى فالأرض من بعدك بشر ؟





لأني تذكرتك أقول [ الله يسامح من نساك ]
وأنت أبسط حقوقك (شعر) يبكي عليك من القهر





أعطاني الله طيبتك من بعدها عني خذاك
حسبي على حبك كسر في داخلي شي(ن) جبر





الآه في لحظة فرآقك تشتكي لحظة لقاك
و أنا رهين اللحظتين اللي على بالي تمر





ودي أذكر هالزمان أني من أغلى أصدقاك
و أني أحبك كثر ما خليت في نفسي أثر





غايب عن الدنيا و عند الله يحظرني نباك
ما أنساك فالبرزخ وحيد و بيننا [ عشرة عمر ]





من وين ما لديت عيني من هنا و إلا هناك
لمحت لك في كل غصه ( ذكريات من الطهر )





تبكيك عيني ما بكت عيني من الدنيا سواك
أبكي عليك العمر و أخذ من بكاء عيني عبر





أنت الوحيد اللي رضى ربي ربطني في رضاك
روحين لله أجتمعنا و أفرتقنا له سفر





حتى لو أني كنت أشوفك في نظر عيني ملآك
أنت آدمي و الآدمي يمشي على كف القدر





ما أقول غير الله يرحم كل ضيقة في رثاك
و الله يغسل ( ذنب حبي ) في عروقك بالأجر








ولن أنساك يا متعب