يوم اخر بلا صباح

[عبدالرحمن المدعج]

بسم الله الرحمن الرحيم

كل شي قرّب يضيع
وصرت بعيوني
احس الشوق شوك
وبرد ياكلني من اطرافي
فضيييييييييع

كنت هارب
من ظنوني
وكنت احارب
ومتعلق حيل
باهداب الامل
وكل شي ممكن
اشوفه محتمل

كنت في دنيا
انتي بها
الشمس ودفاها
والنجوم
وسحرها
وطهر الغيوم.
والطيور
اللي تغرد
في سماها كل يوم.

كنت ودعت الضياع
وكان عشقي
للصباحات
اللي تملا
ظلمة ايامي شعاع

وللاسف.........
ابتدا ليلي يطول
ويسرق الساعات
والاشراق
من وجه النهار

ونور شمسك
يشرق بلحظة غروب
وكل جياتك هروب
ومادريتي بانتظار
النار بعد الانتظار

كنت ابشّر فيك يومي
واوهم احساسي
خطأ
وانك مثل ما انتي
وانا اللي فاهم
احساسك خطأ

قلت لك مره
اكيد بنفترق
وكن حظي
يستمع لي وقتها
ويقول كل الورد
لازم يحترق

وانت تزرع
ورد لا يمكن تشمه
ولا بيدينك تضمه
وانت همك كل همك
يمتلي عطر وعبير
ومانت همّه .

لاتعجّل بالوداع
واترك المقفي يروح
ولا تنادي
كل شي ممكن يمر
بشكل عادي .

بانتظارك شي
يمحي كل شي
كم وكم كنت
ابتديت بشي
ماتقدر تتمه

ياصباح الخير
وجهك غير
والا انت اللي راح؟
افتقدتك من زمااااااااااان.
وييييييين ذاك النووور؟
وين الانشراح ؟
ياحصاد الليل من مر التعاسّه
ما انتظرت اليوم لعيونك صباح.