بقايا .. من بقايا !!

[أحمد المطوع]

.
.



أجمعك ..!
كيف اجمعك ..؟
و انا من ليلة فراقك .. إلين الحين
عجزت اني اجمّعني ..!
و انا من لحظة غيابك ..
أدوّر من يجمّعني ..


تعبت الملم .. شتاتي !
و اوآجهني بـ / كذباتي ..
و استوعب غيااابك ..
و ماللألم آخر ..


تعبت اجمّع جروحك .. من الآلام !!
من شكّك .. وخوفك
من الأوهام ..!!


تعبت ابعثرني .. ألم
تعبت اجمّعني .. شتات


و لآخر جروحي ..
ماللزمن آخر .

[أحمد المطوع]

.
.


ياليت الوقت يتأخر
............... و نبعد عن عيون الناس
تحبيني بعد أكثر
.............. و احبك لآخر الأنفاس
عطيتيني المحبة " ذوق "
............... سقيتيني غلاك بـ / كاس
ياويلي .. لاذبحني " الشوق "
............... وشفتك في عيون الناس !!.

[أحمد المطوع]

.
.


تغيب ..
وتترك لي [ عَبَثْ طيفك ] ..!
يشاغب عيني اللي ..
من رحلْت .. وحالتي " حالة " ..!!

[أحمد المطوع]

.
.



يسْعد مساك ..

بردك .. دفااااك

احضانك اللي .. علمت روحي غلااااك

انفاسك اللي .. ذوّبت صدري .. لحظة جفااااك

.
.


يسعد مساء السلْطَنَة ..

يسعد مساء الهيْمَنَة ..

يا " مملكة قلبي " ,

[أحمد المطوع]

.
.





من يلومك ..
لا غديت آخر همومك .. من يلومك ؟!

ماقويت البُعد لكن ..
كان لازم اتّخذ هالخطوة دونك !


من يلومك !
بعد ما رحت و تركتك للأماني ..
مِتّ انا ..
و اصبحت جاني !

من يلومك ..
و كل شي حولي / نفاني !!
صرت اديْن الليل ..
و الفرقا ..
و قراري ..
رغم ناري ..

يا خسارة عيّت الساعة توقّفْ بسْ ثواني !
و انتَ داري ..
تكفى .. رجّع لي اختياري ..
و الله لـ / اختارك ..
و لو هي لحظة من عمري ..
و اضمّك .. وسط داري !


الثواني ..
عيّت بدونك .. تمرّ
و العمر / مرّ ..
و بكيتك !
ليتها مثلك حبيبي ..
كان هذا الليل .. غير !
كان كل الكون .. طير !
مثل قلبي ..
لما تحضنه الأماني ..
في حضورك !


اهتفي .. خلّي الملام !!
لا يضيع العمر ..
أطياف .. و أماني

لا يضيع العمر ..
أطيااااااااف ..
و أماااااااني ,

[أحمد المطوع]

.
.

غدت جدراني بروازك ..
غدى وجهك .. هو المنفى !!
و وجهي صار بك أعمى !!
كثير ارهقني غياااابك .

[أحمد المطوع]

.
.



نِشَف دمّ الصبر هقوة
...... يحايل غلطة التفاح


شروده للاسف سطوة
...... تغني ماخفاه و باح

!

[أحمد المطوع]

.
.


وينك انتي ..؟
وين كنتي ..؟
و ليه تأخْرتي عليّ ؟
كنت خايف !!
و كان [ قلبي ] لسّه / حيّ ..
____ انتظرتك حيييل ..
____ و ذاب [ وردي ] في يديّ ..!

[أحمد المطوع]

.
.


كثر ما تِتْعِب الدمعة .. عيون الخايف المرتاب
......................... تَعَبْ [ قلبي ] ينادي لك .. ألم يا آخر اوطانه

!

[أحمد المطوع]

.
.



بلحالي ..
قعدت هنااااك ..
أنا ..
و ريقك الحالي ,