يالنادره يا أم العيون الواسعه !!

[متعب فهد]

السلام عليكم ورحمة الله وبركاته

كل الشكر لمن دعاني لهذا الموقع الرائع

اولى مصافحاتي اتمنى ان تنال على رضاكم ..

اسمعيني يا عسى عمرك يطول !! = ما مشيت الا الدروب الواسعه
ولا هويت الا انتي يا بنت الأصول = ومن سنين العشق ذيّه رابعه
ولو يحول البعد عنك لو يحول = ورد حبك في فؤادي زارعه
وورد حبك ما تقفاه الذبول = دامها كل المشاعر شابعه
ساكن ٍ في وسط خفاقي تجول = منزلك قلبي وضلعي شارعه
ما هويتك يا بعد حالي فضول = كودها الأشواق جت متسارعه
الحسن وياك تخدير العقول = وكاس سحرك من ليالي جارعه
لا يشاور لا ولا يعطي حلول = من يصيبه ما يجوّد رامعه
جيت وأثر الحسن يحداني ميول = والمشاعر من وصوفك والعه
صابها من واسع عيونك ذهول = وقمت اردد رايعه !! يا رايعه !!
وما رخى لي عزم يوم إني صمول = كود خدك يالبروق الساطعه
اشعر ان سنين عمري ما تزول = لا جلست أخايله وأطالعه
والردوف تشيل بأنواع الحمول = ما درت عنها العقول الهاجعه
وبالصدر تفاح سابق للوصول = اشهد ان الطرف سيّل دامعه
من نزول اليا طلوع اليا نزول = العاطفه عن حب غيرك لايعه !!
ولو حكى لي عنك وشاي وعذول = والله اني ما استمع للشايعه
العواذل ما وراها يا خجول = غير تشويه القلوب الناصعه
ويش يعني لا حكى عندي مهبول ؟؟ = مالي ومال اهل الهروج الضايعه
خاسي ٍ لو هو يفكر بك ينول = ما خست غير الوجيه الطامعه
والحقايق ما تغيرها الخبول = صامده صمد السماء السابعه
غير هذا ويش بحكي ويش اقول ؟ = غير توضيح الشعور وطابعه
وفالنهايه يا عسى عمرك يطول = يالنادره يا أم العيون الواسعه

متعب فهد