إبليـس

[سلطان العاصي]

حضوري الأول، وآمل أن ينال رضاكم.

غريب بعـض البشـر كنّـه أبليـس =يقعد يوسوس لـك .. أليـن أتحيّـر
وأنا صدفت أشخاص .. أطيبهم امخيس=وأرداهم اللـي بكـل لحظـة يتغيّـر
مره يصير الكنك .. ومرة برنسيـس=ومرة يصير الشيـخ .. اللـي يجيّـر
من زود كذبه صار بالهرج تخميـس=خذ منـه الأيمـان .. وذمّـه تحيّـر
زبدة كلامي تقـوم فيـك الوساويـس=من طفقته .. من ربكته .. والتطيّـر
الله على مجـلاس .. كلـه موانيـس=أرجالٍ تهلي بضيفهـا .. يـوم سيّـر
دلّه وتمره .. زيّن الكيـف تحميـس=أقدع من التمرات .. في بيـت خيّـر
للمرجلـة والطيـب ري ومغاريـس=واللي ربا بالطيب صعب يتغيّـر
ما هم من اللي هرجهم بـه دنافيـس=أرجال قول وفعـل .. حتـى الصغيّـر
وأنا أقول الرجـال مثـل التضاريـس=فيهم جبل عالـي .. وفيهـم قصيّـر

 

[عبد العزيز الجرّاح]

الجميل / سلطان العاصي
أهلاً بك وبحضورك الأول ...
يسعدنا جداً أنضمامك ل.

للمرجلـة والطيـب رّي ومغاريـس
. . . . . . .واللي ربـا بالطيـب صعـب يتغيّـر

الله الله عليك ...
رائع جداً يا سلطان...
"للمرجلة والطيب رّي ومغاريس"
هذا الشعر لا يكتبه إلا الطيبين / المبدعين أمثالك.
شكراً كبيرة لجمال حضورك...

تحيتي و تقديري

[سلطان العاصي]

المدير العام / الشاعر عبدالعزيز الجراح

شكراً لطيب ترحيبك واستقبالك . . .

وصح بدنك يالغالي . . .

دمت بخير وعافيه

[ساره الغامدي]

::

السُلطَان
نَصُ بَاذِخُ السِحرِ بِـ أفُوْقِ
الشِعرِ المُدلهمِ بـ إخضَرارِ
لامُنتهَى لهُ
:
سَلمَ مِدادكَ ..

[سلطان العاصي]

مشرفتنا الفاضله / ساره عبدالله

شكراً لكلامك العذب.
و مرورك العطر.

دمتي سالمه