مرثية بوالدي رحمة الله..

[سحايب العازمي]

السلام عليكم ورحمة الله وبركاته..

هذي ابيات كتبتها بوالدي رحمه الله....أرجوا من الله القبول ثم أن ترتقي إلى جمال ذائقتكم الشعريه ...

صلوا على النبي صلى الله عليه وسلم

يالله ياكاتب نهايات الاعمار= يا محصي الدنيا وعالم خفاها
ترحم ابوي وتسكنه بين الابرار= وتبعده عن صال الجحيم ولاضاها
لانه من اللي يرتجي رحمة البـار=ولاتهمه الدنيـا ومشيـاً وراهـا
يعمر بيـوت الله دايـم بلاذكـار=ونفسه عن الزلات يطلب أحماهـا
أبوي رجالٍ يكرم الضيف والجـار=وله سمعتأً نفخر بهـا وانتباهـا
رجلٍ علىالطولات والعز مغـوار=حازالشهامـه والكـرم وانتقاهـا
حراً شهر بالطيب من ماكر احرار=ومثله افعولـه عالـيٍ مستواهـا
أبوي علمنـا الارادة والاصـرار=على الامور اللي شديـدأً قساهـا
أبوي له عند الرجاجيـل مقـدار=ولاكبرت القـالات قـام ونصاهـا
يحلها ما تقنعه بعـض الاشـوار=من الرجال اللي قصيـراً مداهـا
يسند عليه الراي لاصار ماصـار=ويكره رجـالٍ ماتقـدر أخطاهـا
له مجلسٍ ياتيه وافيـن الاشبـار=اللي عن الهفوات تكـرم اللحاهـا
ماداج فيه أهل النقيلي والاشـرار=اللـي سوالفهـم تبيـن رداهــا
نرجو من الرحمن علام الاسـرار=ينجيه يوم الخلق تطلـب نجاهـا
ندعي له المعبود في وقت الاسحار=عسـاه بالجنـة وطيـب ثراهـا
وصلوا على اللي صار للحق مختار=شفيع الامه يـوم ياتـي شقاهـا