بقايا .. من بقايا !!

[أحمد المطوع]

.
.

من الغباء ..
يضيع هـ الإحساس ..
و يكون في لحظة ( هباء ) ..!


بالضبط مثل " القلب " ..
لمّا يكون بدون ( باء ) ..!


بالضبط مثل " الماء " ..
و انتَ على جال الغدير ..
و لا تشرب إلا " الضما " ..!


مثل النوى ..
لا طوّل أحبابك عليك ..
و في عزّ يأسك و العنا ..
ترسم ملامحهم " سماء " ..
و تشربها من حرّ الضما ..
بس للأسف ... ما تشربه ..
من غير ...... آء ..!


يا سيدي المكسور ..
خلف المدى و السور ..
أتعبت " علّ " .. و " عسى " !


أنت .. و عيونك .. و المسا
[ صورة جميلة للـ غباء ] !!

 

[أحمد المطوع]

.
.

بين ايدينك ..
ذآآآب فـ شفاهي العتاب :
إنتي وينك ؟
و رحت اقبّل راحتينك ..
و اسأل جروحي من اللي :
أملك الدنيا فـ لقاها ..
و في الغياب .. تمتلي عيوني رماد ..؟
و ينتهي عمري فـ رجاها ..
تقول اِنتي .. و اقول اِنتي


و احتفل هـ القلب .. يضرب
و المشاعر .. يرقصون !
و هاجت الخمس .. الحواس
إنتي وينك ؟
و ارجع اتأمّل يدينك ..
[ لا تأمّل : كلّها ذكرى سنينك ] !!


" هذا صوتٍ كان فـ اِذني " ..!
و ارجع اسأل من جديد :
من هداني العمر .. عمر
من سرق هـ الصبحٍ منّي ..
تردد الأشياء : اِنتي ..

و اقول اِنتي !



المنافي .. خلّ وافي !
لـ انسان ضاع من الزمن ..
من لحظة فراقك ..
إلين ما بنتي !!
أوااااه يا إنتي ..

اسألي كل الأحبة :
من شَرَقْ بـ اسمك ..
و صار الحرف .. دمع ؟!
من إذا غبتي ..
يصير الصبح ليل ..
و اوصد أبوابه .. بـ شمع ؟!
من ملى طيفك ..
فـ جدرانه .. مصابيح !
ترجع حواسي السبع :
تقول اِنتي .. و اقول اِنتي !.

[أحمد المطوع]

.
.

ليل باااارد .. و اشتعلتك !
ذهن شارد .. و انطفيتك !
جمرة في وجه الرياح و .... زمهريرك !

اِحرقي شمسك فِـ شمسك ..
و اسألي البدر البعيد ..
من سكون الليل للفجر الجديد :
هو في هذا الكون .. مثلي ؟
بترجع اشيائك تقول ..
لا .. ولا فـ قلبه أحد .!

ألبس ثياب الغياب ..
و انزوي في وسط قلبك ..!
ترجع وجيه الصحاب ..
ما بقى لي غير حبك ..!

أوقِد اطرافي هبوب ..
تنتحر ألفين دمعة ... و ألف شمعة .. تحتريك !
من يدفّي الليل لا طاحت نجومك .... من يلمّك ؟
من يهندم للسما أجمل غيومك .... من يهمّك ؟

اِنزعي هـ البرد و اِلا ..
اِتركيني للهبوب ..!
أشتِعِل في وسط قلبك ..
ميّتٍ ما حدٍ درى بي !.

[أحمد المطوع]

.
.

رتّبت لك شيٍّ كبير ..
هـ الصدر منزالك .. و القلب مجلسك
و دمع العيون .. سحايبك مثل المزون !
و كل الجوارح أعلنت .......... في حضرتك معنى الخلود :
أما أكون ,, أو لا أكون !!


هذي الطعون .. الكراسي !
تخيّر لك ألم و اِجلس !
دام هـ الجرح .. ناسي
تقدر تخليني أحس ..
تقدر ترجع بسمةٍ .. .. من شفتي يا ما اختفت
و إن الأمل .. .. لا زال فـ الدنيا كبير
يا اجمل حياتي .. من تكون ؟


الألم .. لمّ السكون اللي تلبّسني فـ غيابك !
و الأمل .. ملّ و تركني غارق بمعنى .. إيابك !
و الأمان .. مان و رحل بي دمعةٍ تِثْمِل ثيابك !
كل هذا يا حبيبي ..
و آنا مدري .. من أكون !!.

[أحمد المطوع]

.
.

[ 1 ]

و حبيتك ..
ياللي هنا بيتك ..
خلّيت للناس بعضي ..
و شِلت أكثري ... و جيتك !


[ 2 ]

ياللي تمنّيتك سنين ..
قبل أعْرِفِك ... في دمعتين
ماظن تِنْكِر لهفتي ..
و اِنتَ معي ... و انزف حنين !


[ 3 ]

ما كانت عيوني تشوف ..
ما بين ظلمى ... و بين خوف
شمسك أبَت لا تِنْتِظر ..
شف كيف ... تجمعنا الظروف ..!


[ 4 ]

يا ماخذٍ كل الخيال ..
يومي مثل أمسي ... محال
بس اِنتْ ريّح خاطرك ..
و اِترك علي همّ السؤال .!


[ 5 ]

قِم غنّ لي عَذب القصيد ..
جوّاي نارٍ بي ... تِقيد
من يِزرع بقلبي غلاه ..
أموت أحبّه من جديد ..!


[ 6 ]

يا سيّد الأحباب ..
" تحبّك الأسباب " ..
قد قلتها مرّة ..
يا قلبك الكذّاب ..!


[ 7 ]

ناظر مكانك من زمان ..
وشلون فاقد هـ الأمان ..
حتى العروق اللي نشفَت ..
شِف كيف .. يبكيك [ المكان ] ؟!.

[أحمد المطوع]

.
.

تدري وش معنى التعب . .؟
إنك تحب . .!
و اللي تحبّه بين ايديك . .
و اقرب من انفاسك إليك . .


دايم عيونك تحرسه . .
و عيونه لك . . سكّة و بيت


تلقى الأمان افـ نظرته . .
و لو غاب لو لحظة بكيت . .!


تقول و انت تناظره :
لو أفقدك . . يعني انعميت !
و يزفر من اقصى خاطره :
أحيا أنا لو أفقدك . .
بس قبلها هـ القلب . . ميت !






معنى التعب يا صاحبي . .
ما هو الأرق هـ اللي تشوف . .
و إلا الشحوب افـ نظرتي . .
الموت لو تدري بعد . .
كل هـ المحبة تنتهي . .
باكبر سخافات البشر . .!


يا صاحبي بالمختصر . .
و الله زِهِقنا هـ الحياة . .
الموت أرحم من حياة . .
طريقها . . كلّه حَجَر !


أحسن نموت و لا نقول :
إن النهايات الجميلة ما تكون . .
إلا على غفلة ( ..... ) !.

[أحمد المطوع]

.
.

دوّريني . . في المنافي !
و اشربيني من فراغات الحنين . .
لـ آخر أطراف الغياب . .
فـ كاسك اللي قد رواني . .
و اتركي هـ الصبح يبكي . . . يبكي يبكي !
يمكن أوجاعه تصحّي . . . داخلك حفنة شعور !
لـ انكسر وجهه يدوّر . . . في إيابك بعض نور !
و لو تذوب فـ عين خلّك . .
نظرتك بيموت لكن . .
يبقى قلبه . . . أعظم أحبابك و ظلّك !

بس انتي دوّريني . .
و صدقيني لو أموت . .
يبقى فيني قلبك اللي . .
أقسى من يبكي علي .!

أقسى من يبكي علي .!

أقسى من يبكي علي .!

[أحمد المطوع]

.
.

مع التنهيد ..
و ما خلّفته المواعيد ..
قضيت بك ليلي ..
يا لعبة العيد ..
صرتي لي القيد ..
و اقسى مواويلي ..!


يا حفنة الضيّ ..
ما في يدي شيّ ..
إلا عقارب ساعتي ..
تاكل خَضَاري من سَعَة !!


صار [ الألم ] قوت ..
يستنزف اعيادي ..
و عقاربي الـ " تابوت " !!
قيده أنا و العيد ..
و موّاله التنهيد ..
و لعبةٍ مكسورة !!
في قلب حاملها !!.

صوتية

[أحمد المطوع]

.
.

توجعيني . .
لا غفى رمشك فـ عيني . .
و رحت أدوّرك افـ ضلوعي . .
و لا ألاقي غير صوتي . .
بعض أنفاسك و موتي . .!
توجعيني . . . و اِنتي أجمل من سكنّي

لو بتوفيك القصايد . .
لو بتوفيك الحروف . .
صدقيني لو أقول :
أصدق احساسي قصيدة . . . ما بعد قلبي كتبها
كانت عيونك و دارك . .
توجعيني . . . و اِنتي أطهر من من سكنّي !

يا الأمان اللي انتشلني . .
من غياهب ليلي الدامس . . . شرود !
كل شي هـ الليلة موجع . .
من أحبك . .
لين تسكن أغلى دمعاتك فِـ عيني . .

مُتعب الشوق لـ عيونك . .
ياللي خانت بي ظنونك . .
ينتهي هـ العمر كلّه . .
و لا تجي لحظة و أخونك !.

[أحمد المطوع]

.
.

سافر . .
و اترك الليل لعيوني . .
و لهموم الوقت . . باكر

سافر . .
ماقدر اشوفك تساقط . .
لو كسرني ألف خاطر . .

كان لازم أعترف لك . .
إن هـ المرّة قراري . .
مو بيدّي . .
كان موت الحب . .
شيًّ إضطراري . .

آه لو تدري وش اللي . .
بعد هـ الموقف تغيّر . .
شيِّ أكبر من خيالك . .
لما قلب إنسان صادق . .
ينكسر قدّام عينك . .
و ما تحسّ . .!

يعني كل الكون في عينه تساوى . .
يعني لوّك من حياته ما انتهيت . .
الأكيد إنك من عروقه نزلت . .
و إن هذا الهم كافر . .

يا لله ســــــــــــــــــــافر .!.