][ شال حمل ٍ لو وزن ماتحتمله جبال حايل ][

[شموخ الحربي]

العقيم اللي حياته كلها ضيـم و منـاوي=فات عمره بين أماني خاطره و العمر زايـل
زاد حزنه و المصيبه مالقى له مـن يـدواي=ينقفل بابه و عزه في طريق الحـظ مايـل
العقم عقم الحبيب اللي جفا ماعاد يـاوي=استظله من هجير الصيف و الفرقا قوايـل
مر بي عام و محبتنا كما السيـل النحـاوي=اندفق فينا سعدها و الفرح يا نـاس هايـل
الحبيب اللي يغيب و يفقده قلب ٍ شفـاوي=ويش يرجي لا غدا صرح المحبه فيـه آيـل
كنت أظنه عشق عمري بيننا حب متساوي=ما دريت انه يمثل لي غرامـه و ايتحايـل
طال صمته والسكوت المر لا طوّول بلاوي=يكشف المستور .. و اذبح مابقى فيها تمايل
يا خسارة عام فيه القلب من همه شقـاوي=سبة اللي في خفوقي جرب أنواع العمايـل
كنت أحبه موت لكن قلبه امن الحب خاوي=كان حلم ٍ ماله ألا دمع عين ٍ صار سايـل
الحشا ما كنّـه ألا عـزة الحـر النـداوي=عزته ترقا ويرقى بالوفا مـا كـان طايـل
الزمن يومين يوم ٍ لك ويـوم ٍ فيـك لاوي=رغم ضحكاته وخيره .. بالعنا ماله مثايـل
العقيم اللي حياته كلها ضيـم و منـاوي=شال حمل ٍ لو وزن ماتحتمله جبال حايـل

.. - عصيـة الـوجـد - ..
شموخ الحربي

.