آكليل آزهار

[حكمت الناهي]

آكليل آزهار
*****
ما آدري البرد لامس عيوني وخلاها تهمل
والا آشجان الشغاف الحزينه ما تهدى وتمل
آه ياصبر آيوب
هم انتوب
لا منتوب تشهد هاي الادروب
يا ربي المعبودعسى تغفر لنا الذنوب
آنه المكلوم آنه المنكوب
لاوطن لاظنى لا ناس وشاب الراس آنذر خبزللعباس
عيوني بيكم تقر روحي رهيفه ما تكدر تنادي آطيافكم تسهر
ان غبتو ليله تتآثر مثل كرستال يتكسر يا آمل صغير ويكبر
عجب ياليل تنام الناس وتظل عيوني سهران
عجب يا وكت انا بردان وهاي الناس دفيانه
تتدفه بمشاعرها بحبايبها واهلها
وآنه روحي كالناعور وزرع منثور تظل تدور تحمل ماي تنثر فرح
تسقي ارض عطشانه
ياعمرانكظه مقهور فراشة تدور تخاف النور والاهات عنوانه
غدر صكور ع العصفور هجر عشه واوطانه
ياخي الراح ما جانه يا يمه ياوكت اشوفك آوراق الخريف ذبلانه
يا آمي انه المغصوب
وادري بيك زعلانه
تتمنين تودعيني وانه آكثر بعد آنه
دوري يا رحى الناعور بكل سرور طحني حبو ب هاي الناس
تستاهل خبز تنور
وحظي انا كالناعور وآرض بور اوراقها خسرانه
مهما دارت الايام يعز عليه مكانه
روحي آكليل من الازهار الاقدار وشحتها بالسواد
تدندن نغمة الثوار رغم الصار ترفض تعلن الحداد
يا بقايا الروح هدئي وآستكيني وآدفي بذكر بغداد

,,,,,,الآيام الاخيرة في النرويج .....  

[ندى عبدالعزيز]

رغم الألم الذي كسى حرفك أستهوتني تلك اللكنه
:
الناهي حِكمت
صح كلك ياقدير

[سودة الكنوي]

يا بقايا الروح هدئي وآستكيني وآدفي بذكر بغداد
...
الله الله!
بغداد الإباء و كيف لا تهدأ النفس بذكرها..
أخي الكريم حكمت الناهي
رغم اختلاف اللهجة إلا أن لغتك سلسة و في المتناول
و مشاعرك تصل بانسيابية لتلامس وجدان القاريء
دمت شاعرا ممتلئا بشعور الحنين للوطن..