(متاهات الاشّواق)

[سحايب العازمي]

السلام عليكم ورحمة الله وبركاته,
للتواصل معاكم أضع بين أيديكم هذا النص المتواضع ..
أتمنى أن يلقى القبول لدى ذائقتكم الشعرية الراقية,,

ذكرى تلوح بخافقي لوح برّاق=ساري وشوفه يستثير القريحه
إليا طرت بيّن على الجفن الارهاق=ومن العنّا بانت رسومٍ صحيحه
صارت تقربها طيوفٍ بالاعماق= يوم الليالي بالمواصل شحيحه
تحمّلت نفسي متاهات الاشواق= الله يعين أهل القلوب الجريحه
ويرفق بحال اللي شكت هم وفراق=غدر الليالي يزعج المستريحه
أكتب معاناتي على بيض الاوراق=وأخترت بعض المفردات الفصيحه
للماضي اللي داخل الروح ينساق=وأستعذبه لافاح عطّره وريحه
ياما علشانه جرى الد مع دفاق= دمع ٍ يجرح ناظري في مطيحه
طاب السّهر للعين لوقت الاشراق=يعاذلي خلّ الحكي والنصيحه
خلّ الخفوق اللي من الوجد خفاق=يسّج بأيام ٍ مضت له مليحه
بعض الحكي سم ٍ على االكبد ترياق=مثل السموم اللي يحرق لفيحه
ودي أحط اللي مضى بين الاحداق= ومن لامني يعلّ ربّي يبيحه
أنا وحرفي لاجمل الوقت نشتاق=شوق النفوس الوافيات الصريحه

وسلامتكم