بقايا .. من بقايا !!

[أحمد المطوع]

.
.

أذكر إني ..
كنت المّك ..
أجمع احساسي ..
و همّك ..
كنّي اتعرّف عليك ..
كان قلبي مايبيك .. أو يبيك ..!!
آتلمّس بعض أطرافي ..
كان قلبي .. غير قلبي
وانتِ قلبك .. لك ينادي
وين حضني .. وين حضني ..؟
و كنتي بـ / احساسٍ شتات ..
هو فرح .. و الا ممات ؟!
فاضت انفاسك عليك ..
تشكي همّك ..
تنده كفوفي تلمّك ..
آآه يـ / احساسي معك ..
صدقيني قد هلك .. صدقيني قد هلك
و انهدم فيني طموح ..
و استوت عندي الجروح ..



لمّي بعضك ..
جمّعيني .. و ارحلي
خلّي قلبي ..
و دوك همّك ..
ودعيني .. و اسألي
و نادي قلبي :
من متى للعشق حاكم ..؟
و من يقول الحسّ ظالم ..؟



آآه ياقلبي معاها ..
لو ذبحك الجرح .. هاجر
و آآه ياذيك الأماني ..
لـ / استوت معها الخناجر ..
ولـ / انهدم فيها طموح ..
كثر مافيها جروح ..
تنهي الروح .. و تروووح !!

 

[أحمد المطوع]

.
.

تقول : شاعر ؟








إيه شاعر ..
إيه .. و ربي إني " شاعر " ..
و كل ما حولي يخرّضْني ..
فيك أشعر ..

شاعر بـ / خوفك عليّ ..
من الم / شاعر ..!

يا بنيّة .. يا بنيّة
يومها عِرْقَتْ يديّه :

الألم .. ما هو شعور !
الألم .. ما هو حقيقة !
الألم .. " حفنة مشاعر " !!
تنقرا بين السطور .!!

[أحمد المطوع]

.
.

ما جت على هـ / الجرح يومك تشرّه
.................... ولا على .. آخر سواياك فيني
أموت " وجد " بـ / غيبتك ألف مرّة
.................... اسأل " عذولي " كيف سوّا حنيني
و الحين تشكي لي غدى الشوق " جمرة " ؟
.................... يا خي قسم بالله .. ما عاد فيني ,

[أحمد المطوع]

تجربة جديدة باللهجة اللبنانيّة آمل أن ترتقي بكم ..
آثرت أن اكتبها هنا كما تُنطق ..


الإهداء .. لصديقي الملحن اللبناني الكبير :
الأستاذ / سمير صفير

.
.

أدّ النار اللي بتحرئني لحظة ماتغيب ,,
كنت بحبّك ..
أدّ الشوء اللي يبعترني لحظة ما الآك ,,
كنت بحبّك ..
أدّ الإحساس ..
في ألوب الناس ..
أدّ الدحكات ..
أدّ الدمعات ..
كنت بحبك أكتر و اكتر ..


بدّك يانا نضيع ..؟
طيّب يالله ضيع لوحدك ..!
بدّك يانا نتووووه ..؟
لحظة حبيبي .. أوأف حدّك ..!


ما فييّ كفّي المشوار ..
ألبك هوّا ياللي اختار ..
تركني بحالي ..
غنّي موّالي ..
و
أوأف حدّك ,, أوأف حدّك ,, أوأف حدّك .

[أحمد المطوع]

.
.

ما فقدتك ..
ما فقدتك تدري ليه ..؟


خلْني أحكي لك حبيبي ..
إيش معنى اني أحبك :


يعني اِحساسي بـ " أناي " ..!
تكبر أكثر ..
و اعزفك ونّة ,, و ناي !
و افـ غياااابك .. آتبعثر !


تدري إش معنى أحبك ..؟
تعني لما تروح و تنسى ..
تبقى فيني ..
صورةٍ ترسم حنيني !!
و اشربك أكثر و أكثر ..
ليييين ألقاني عطشتك !!


أكثر من الأمنيات ..
اللي تتراكم بـ صدري ..
كنت ادوّرني في قلبك !!


أعذب من الأغنيات ..
امتلا صوتك بـ شعري ..
و دوزن احساسي بـ قربك !


عيّت جروحي تملّك ..
يا للي قلبي صار ظلّك ..
أفقد عيوني حبيبي ..
و لا تجي لحظة ..
و أملّك .

[أحمد المطوع]

.
.

رؤية / سمو الأرض

[أحمد المطوع]

.
.

بقى له قلب ينبض بي هنيّا
_____________ و لو انّه بعيـدٍ ما تهيّـا
ثلاث سنين ينبت في عروقي
___________ غدى رمشي ظلاله لا تفيّا
حلف بالله لـ ابقى في عيونه
________ و حلفت آصون عهدي له حميّا
و لكن الزمان اسرف بـ غلّه
_____________ و ضيّع مابنيته في يديّا
على هون المصايب صرت اغنّي
_____________ بعد ما طلت بايديني ثريّا
ذخرته لليالي السود لكن
____________ سواد الليل وقّف لي و عيّا
بيبقى قلبه اللي قد ملكته
___________ علامـة فارقـة فيني " هنيّا "

[أحمد المطوع]

.
.

مساءً .. و الفضا وجهك !
نجومك .. غزوة اشباحي !
غباءً .. تختفي عيوني !
و اصوّت :
ضاع مصباحي ..
من اللي حرّك اعبائي ..
شياطينك / شياطيني !!؟

.

مربوطة عيوني ..
بارد جسد هـ الليل ..
من كحّل نجومك
,, تحت الفضا العاري ؟!

بعض الصبر حكمة
,, كِبْرَت مع الترديد !!

تحت الجفون اطياف
,, علامة الـ " تغْريب " !!

.

دعاءً .. كان ترديدك !
غباءً .. ضاع مصباحي !

[أحمد المطوع]

.
.

انتي لو ليلة تغيبي ..
حتى جدراني اتْألّم !!
و كل هذا الكون يصغر ..

تذكرين ..
لما قلتي لي بـ تجين ؟
صار كل الكون صدري ..
وقتها كن الثواني ..
خطوة الشيخ الهزيل !!
لين ذِبْت بـ ساعتك !!
و ما تجين ..

و اجمع اعباء انتظاري ..
و اذبل اذبل ..
و ماتجين .. تذكرين ؟

أنا للحين ,, لو تدرين
أمارس لعبة التخمين !
و اقطّف من ورق هـ التين ..
و اعلّقها على الموعد ..
وجهٍ حزين ..
و ماتجين !!
تذكرين ؟.

[أحمد المطوع]

.
.

[ 1 ]



هَا هوَ عِيْدُ ميْلادِكِ يَعودُني للمرّة الثانية ..
يَمُرُّني .. مُرورَ " اللئام " ..!
هَاهيَ جُدْرَاني تَنْتَحِب ..
هَاهيَ أحْرُفي حُبْلى بك ..
كلُ أَشْيَائي هُنا تَرْثيْك ..
تُصَلّي كل ليلةٍ بـ " مِحْرابِك " ..
تَبْتَهِلُ بـ تضرّعٍ و خشوع ..
أن تَعودَ لها الْحَيَاة .!



[ 2 ]



ما زالت أطيافُكِ تُشاغِبَ جفوني ..
ما زالت هَيْبَةُ عِطْرِكِ تمْلأُ أرجَاءَ صَوْمَعَتيَ الْعَتيقة !!
تُتَمْتِمُ جُدْرَاني اِبْتِهَالاتها ... بَحْثاً عَنْكِ !



[ 3 ]


حُبُكِ خَريْطَتيَ التي أَبَتْ أنْ تَرْسِمَ لي حُدُودَاً أو مَعَالِما ..!



[ 4 ]



أيَا رَاحِلة ..
بَعْدَكِ مَاتَ النْساء ..
ضُرِبَت الأُنُوثَةِ في عُقْرِ دَارِها ..!



[ 5 ]



لِمَنْ أَكْتِبُ أَشْعَاري
_________ و عيناكِ لَمْ تَسْكُنْهَا ؟
لِمَنْ أَعْزِفُ أوتَاري
_________ و إحْسَاسُكِ لَمْ يُطْرِبْهَا ؟



[ 6 ]



ما زَالَ للحَديثِ بَقيّة ,, كَمَا لِغِيَابِك كُلُّ الْـ [ بَقَايَا ] !



[ 7 ]


و .. " انْزُفُكِ " لا أَزَال !

الرياض 19 / 11 / 2008 م