خريطـة عواطفـي !!

[محمد الفيفي]

.





نبضك ولَه ..
وعيون قلبي سموات
والأوَلَه ..
لـ اللي يقدّم حياته ..

إنت ِ أنا
نفخر بكلّ البدايات
والمشكله
قلب ٍ شكى من غلاته ..


/


هاتي [ يدك ] \ عمري فدالك بدايه
.......... الحب لك : والموت فيك, النّهايه

في مبسمك شمس الضحى وبجبينك
.......... [ السّحُب ] يعني في جبينك مرايا


\


أهواك ..
والجنّات فاك ..
يكفي عناد ..
في غيبتك ..
عشت الهلاك ..
العمر واحد
والغياب ..
أرمي فتيله
وإقبلي ..
لا تخجلي ..
منّي .. ولا تتحوّلي ..
كلّي فداك ..

\


عطشت وما أبي غيرك يرَوّيني السُكر بشفاه
............... يا حلم العمر .. يا أعذب [ حكاية حُب ] بسنيني

ندهتك \ جاوبي صوتي \ سكوتك ألجم الأفواه
............... وخلى حسرتي , [ شارع ] تصَدّع من دمع عيني







.

[محمد الفيفي]

.





لا العيد عيدي ولا ذكراه تسعدني
............... العيد [ أول ] قبل .. هالنفس / يتعبها

يوم الأماني ترفرف لي وتوعدني
............... تقطف من غْصون فكر ٍ طاب, خاطبها

يوم الحلا من شفايا البنت يجهدني
............... أرشفه .. وآقول : قلبي .. لا / تعاتبها

واليوم غابت .\ وحظي بي يعاندني
............... في حضن غيري ..... تداعبه ويداعبها

يا شيخ أرجوك لا ... لا لا تعايدني
............... خذ [ ذكرياتي ] .. إذا ودّك ../ وحاسبها

تركت عيدك ./ لطفلك بَسّ ساعدني
............... وشلون أدوس الحياة ... وكيف أصاحبها







.

[محمد الفيفي]

.





لو بساتين الوفا .. غابت
وغبتي !!
والكلام اللي كتبتي ..
صار ذابل ..
من يصَحي عروقنا
ينده عطاشى ..
والسنابل ..
كلّ شي فيها تلاشى ..!!
هل بَعد هذا تبيني؟!
أنتظر حلمك يجيني ..
أو أغَمّض وأنتظر ..
وآقول : باكر ..!!

*****

بس أبي أعرف شعورك ..
كيف نورك ..
يكتسي كلّه ظلام ..!!
والظلام اللي في نوري
ما يزورك ..!!
والحنان اللي ابتسم ..
بيني وبينك ..
ما يصافح ..!!
يرفض إنّه ..
يرسم الفرحه ..
ملامح ..
هل بعد هذا تبيني ؟!
أنتظر حلمك يجيني ..
أو أغَمّض وأنتظر ..
وآقول : باكر ..!!

*****

للوجع قبرين ..
والثالث مرايا ..
والحكايه سافره ..
تبني مشاعر ..!!
والزمن لحظه ..
وأفراحه خطايا .. !!
والأماني مسافره ..
والموت شاعر ..!!
هل بعد هذا تبيني ؟!
أنتظر حلمك يجيني ..
أو أغَمّض وأنتظر ..
وآقول : باكر ..!!








.

[محمد الفيفي]

.





الشكر موصول لـ إحساسك ولاني
............... عارف ٍ صدقك من الكذب الخُرافي






.

[محمد الفيفي]

.






فيني من الحزن الكثير وعرفني
............... وأنا عرفته ... لجلنا بدرب واحد

يا ما نصفته, بسّ هوُ ما نصفني
............... سرق عيوني وما معي,, أيّ شاهد

حاولت أجامل, دمع عيني كشفني
............... قلت : آتغَرّب, قالت, النّاس : واجد

من وين أوَجْه / كل جرح ٍ نزفني
............... دنيا غريبه ..../ كلّ شي صار وارد

واتساقطت أوراق عمري وعزفني
............... نايَ [ الخريف ] المستبد ...\ المعاند







.

[محمد الفيفي]

.






أنا ما عمري لمحتك ..
وأعترفلك أنّك أجمل ..
من علا بالكون وأكثر ..
يا بعيد ..
من حنايا القلب فيني
أقرب وصاير ..
حبيب ..
والحروف ..
لوهي تسقي الشهد
جيتك ..
في حروف ..
يا كبر حظي معاك
لا تروح ..
خلّني [ قصة هواك ]
والجروح ..

*****

إيه أحبك
حتى لو حُبك وهم
راح أحبك ..
ما يهم ..
العُمر مرّه ..
وأنت ِ
مثل هالعمر الوحيد
يا حبيبه ..
رددي اسمي
قصيده ..
وإنْ شكيت ..
أو شكى قلبي وريده ..
ما يهم ..
يا كبر حظي معاك
لا تروح
خلّني [ قصة هواك ]
والجروح

*****

الزمان ..
فيك يتبعك
ويبيك ..
والحنان ..
من آسى قلبي ..
ينادي ..
يرتجيك ..
لا تعاند
تدري إنّ الراي
دايم مختلف
لكن إنّه بيننا
واحد .. وواحد
أعترفلك ..
إيه أحبك ..
وش تبين ..
قولي : يا حلم ٍ غرسته
في حنايا الياسمين ..
في شموع الفَرْح ..
في عِطر المدى
من سنين ..
يا كبر حظي معاك ..
لا تروح ..
خلّني [ قصة هواك ]
والجروح







.

[محمد الفيفي]

.





في غيابك ألتوى\ عِنق الحياه
............... والثواني / صابها [ حزن وملل ]

أحترقت الهمّ .. لين آخر مداه
............... كنت أبحث لي ./ على شمعة أمل

لكن إنّه عاث ... وأتعبني جفاه
............... والحكايه .... كلّها : / نظرة غَزَل

يا جميل الوصف, في كامل بهاه
............... شف عَمَلك .\ بْطفل أصبح بك كَهَل

شف أنين اليأس .. واصل مُنتهاه
............... ما سألت : الغيمْ .\ عن حزن السّهَل

لو جمعت أحلامي من عَذْب الشفاه
............... رشفه وحده .. تْحقق أحلامي .\ أجَل

كيف لا \ والزين يقطر .. من حلاه
............... يهدي [ الأيام ] ... جنّه, من [ نَفَل ]

يا خساره .. لو قضى العمر / ونداه
............... ما وصل ... [ للورد ] / حتى يحتفل








.

[محمد الفيفي]

.





كل شي فيها
تجنّى ..
عقب ماهو كان :
جنّه ..
ثار دخان ولهايب
في وطن منفاه منها ..
وأشترى منّي
عيوني ..
لجل أشوف الحظ
خايب ..
بي معك ..
وإلا بدوني ..
صرنا في حكم الحبايب ..
وأنتهى ..
كل اللي بينّا
ما اتفقنا ..
قلتها :
قالت : من أول
وإفترقنا ..

*****

ما عشقت ..
إلاّ عيونك ..
والأمان ..
وما عطيتيني
عيونك ..
والحنان
قلتي عني :
مثلما قالوا العواذل ..
خاب ظني ..
قلت لجل الحُب ..
أجامل ..!!
صار كامل ..
همّي اللي فيه
يأسي
طاح بي ..
والحب غافل ..
وأنتهى ..
كل اللي بينّا ..
ما أتفقنا ..
قلتها :
قالت : من أول
وإفترقنا ..

*****

يا أماني ..
عَلّمي شهب الوجيه ..
والحلم ..
يوم أرتجيه ..
كيف أعاني ..
كيف أكفكف دمعتي ..
والجرح دامي ..
بالمحاني ..
وما أجيه ..
لجل صبري ..
لجل قبري ..
يكتبوا قصة هوانا ..
فيه ..
من حزنك عليه ..
أو خطاوي بالهوى ..
مرّت عليه ..
تنبش التربه ..
حنين ..
مات
من كثر الحنين ..
وما دروا ..
موطنه غربه
وليل ..
من سنين ..
وأنتهى ..
كل اللي بينّا ..
ما أتفقنا ..
قلتها :
قالت : من أول ..
وإفترقنا ..







.

[محمد الفيفي]

.








أغرسي في شمس صبحي وردتين
............... إهدي الأولى .../ وجيبي [ الثانيه ]

وإنْ زعل غيري, عطيني بسمتين
............... خَلّي العاذل ..... يموت فـ [ ثانيه ]









.

[محمد الفيفي]

.






كل الأماني .. في غيابك .. ثواني
............... ماتت قبل .. [ ميعادنا ] .. وإستراحت

يعني غرستي [ خنجرك ] بالمحاني
............... كفي دِما .... من قهرها الشْهب طاحت

ضاق الفضا \ وشلون ضيق المباني
............... وشلون صدرك ./ لو يضيق .. وتناحت

عنه البشر \ وأصبحتي كنّك مواني
............... أخفى معالمها .. [ البحر ] ... يوم لاحت

أكفانها .. والشمس / قالت : زماني
............... يرثي ... [ بلابل للشجن ] ... يوم ناحت

هذا أنا .... في غيبتك ... والغواني
............... ما تغني عن [ محبوبتك ] .... كان راحت









.