(( الأطــلال ))

[عبدالرحمن عبدالله]

>/
بسم الله الرحمن الرحيم

أحساس غريب وأنت تسمع كوكب الشرق تشدو بـ( الاطلال )
فلا تدري من أين تبدأ والى أين ستنتهي.. ولكن حتماً عندما تصل بك الذائقه لـــ
يا حبيبي كلّ شيٍ بقضاء
............. ما بأيدينا خُلقنا تعساء
ربما تجمعنا أقدارنا
.......... ذات يومٍ بعدما عزّ اللقاء
فأذا أنكر خلٌ خلّه
................وتلاقينا لقاء الغرباء
ومضى كلٌ الى غايته
.......... لا تقل شئنا فإن الله شاء

فإنك لا تملك الا ان تطلق سراح ما يرفرف في مجاهل روحك لترى النور ولو للمرة الاخير قبل الـ....

~ ألأطــــلال ~
ألغياب أسراب هم .... تحوم في صدر المفارق
والظلام أمواج غم ... وفي مداها قلب غارق
والسهر موووت .. وتمنّي
من بعد ما رحت عني
هاجَرَتْ كل الطيور البيض من قلبي .. لأني
مابقيت ألا انا
وحدي أنا
أحلم وذرّ أطراف حلمي للرياح
واسهر على صدر الحنين الممتلي ... طعن وجراح
كن طيفك يشكي الظلمه وكنّي
اشتكي للنـّور لا ياخذك منّي
لين يدركنا الصباح
وينتهي الهمس المباح
وتنكشف قدام رجلي ألــف سكّه للخطاوي
يمكن اني قد نسيتك
يمكن اني كنت ناوي
اني أفهم ... اني أعرف
ان مافي الكون كله غير رعشه
وإلتفاته عند نعشه
وانتفاضة آخر عروق الغلا قبل .. الرحيل
يوم كنت آقول / أحبك
يو كنت تقول / حييييل
وارتشف هالسلطنه من همسك العذب الحنون
واذكر الاطلال وانسى من يحب ومن يخون

( يا فؤادي لا تسل أين الهوى ) واللّوعه=( كان صرحاً من خيالٍ فـَ .. هوى ) بقناعي
الهوى اللي كان يعصف بالصدر وضلوعه=اندفن واستسلمت له دمعتين الناعي
والظلام اللي تمسّك في غرام شموعه=مشكلتّه انّه نسى إن الفجر له داعي
والحنين المستميت بطلّته ورجوعه=ما درى ان الفراق أودى بحلم شراعي
يا زمان الوصل وين الكلمه المسموعه=يوم كان الحب يمشى تحت رتم ايقاعي
يوم كنت أحكم مداين خافقي وربوعه=وين ما تقفي خطاي تدلّ درب إرجاعي
لين طحت بعشق منهي مترفه دلوعه=تستفزّ الطيش من إحساسي اللاّ واعي
واستحليت المواني والخطط مشروعه=دام في عينه حروبي بستغلّ ابداعي
كنت انا أضحك لضحكه وانتحب لدموعه=نوب أصير الذيب لعيونه ونوب الراعي
واعترف له ان هوّ اللي فريدٍ نوعه=وآتصوّر ان هوّ اللي قلب أوضاعي
لين صرت أغلى من أغلى من دخل في طوعه=لين صار أعذب من اعذب من همس بسماعي
لو بغيت اوصف شعوري امتلت موسوعه=ولو بغيت اوصف مشاعر ما تسدّ ذراعي
تشتهيه العين والله والرؤى الممنوعه=ويشتهي هتّان مزنه ما نبت في قاعي
تصدّق اني من هويته صرت له مجموعه ..!!=مقسِّم الروح بيديني له حسب أطباعي
ربع غارق في حلاه وهامةٍ مرفوعه=وما بقى له من وصوف اغرق ثلاث ارباعي
يتْبعه منّي قلب وافي والخُطا متبوعه=ومنْه عشقه والحنان الانثوي اتباعي
فــ( هل رأى الحبُ سُكارى مثلنا ) بالروعه=( وكم مشينا في طريقٍ مقمرٍ ) للساعي
( فيا حبيباً زرتُ يوماً أيكَهُ ) وفروعه=( طائرُ الشوقِ يُغنّي آلمي ) واوجاعي
ما هقيت ان الهوى يسهل عليه وقوعه=لين شفت ان الليالي تستحثّ وداعي
ويوم شفت الوقت شايل صارمه ودروعه=أيْقنت اني راحلٍ دونك ودون متاعي
والخافق اللي ما نساك ومارتضيت ركوعه=يكفيه فخر انّه توفى مالبست قناعي

.