قصة عناي

[محمد نايف العتيبي]

السلام عليكم ورحمة الله وبركاته


بعد غياب اعود لكم بهذه الابيات اتمنى ان تنال اعجابكم وتشفع بعد الله غيابي ..

لكم من كل قلبي




..

ياحروف ا لشعر لبي لي ..نـداي=ودي اكتب مابقلبي..مـن قصيـد
عن جروح القلب..عن سبة عناي =عن هموم(ن)..كل مااكبر تزيـد
هكذا الايام تبحث في.. خفاي=والسنين تدور..عكس اللي نريد
كل ماشفت الهنـا لاح بسمـاي=صارت الدنيـا لاحزانـي تعيـد
ولا انتهى ليلي على جمة بلاي=وصرت اشوف المحتمل يصبح اكيد
شفت من حولي على كثره عطاي=يحقنون السم في وسط الوريد
وشفت من كنت احسبه دايم دواي=يفرح بهمي ويجرح من جديد
يجرح احساسي..ويبحث عن خطاي=ويتعمد عن سمـا حزنـي .. يحيـد
كم عطيت..وكم وفيت..ومن وفاي..!!=ماجنيت الا سراب ٍ..من بعيد
وشفت حلمي..يختنـق داخـل مـداي=مـات قدامـي وهـو تـوه ..ولـيـد
وماانكسرت وفيه من يحسن عزاي= ربي ..المعبود خلاق العبيد
يالله انك لا تخيب لي رجاي = رحمتي برضاك لو ماني سعيد
وياحروف الشعر ذي قصة عناي=يوم قلبي كان مليان(ن) قصيد

..