خذلتك عمر .. !!

[سلطان الرجا]

خذلتك عمر

خذلتك عمر .. لاترجـع أذا جيتـك أبيـك أتعـود=بكيتي سنين هي أجمل حياتك .. وما بقـى فينـي
أحبك أيـه أنـا أحبـك وحبـك سيـدي موجـود=بأقصى الروح لو تدري (غريب) وأسألك وينـي.!!
لأني العاشـق الصـادق حبيبـي ولا عليكـم زود=أشـوف ولا أشـوف إلآعيونـك يـا نظرعيـنـي
تواعدنا , وتعاهدنـا , وأذا تذكـر" نثرنـا ورود "=وحلفنـا بحبنـا نبقـى .. أراعيـك وتراعيـنـي
وضاعت كل إحلامـك مـع سنينـك كـذا بركـود=أسامينـا وأمانينـا .. وبـعـد هــذا تناديـنـي
أنا أدري فيـك تغلينـي ولكـن حظنـا المقـرود=نسج قصة غريبة حيـل .. ودمـر باقـي سنينـي
نزف شوق .. ونزف ظلم .. وجمعنا بعضنا المفقود=وطعنا الخنجر المسموم .. وفـرّق بينـك وبينـي
دخيل الدمع وجروحـك دخيلـك مـا بهـا منقـود=أذا حل الفراق وتم .. وذرفتك دمـع مـن عينـي
دخيلك لا تصدقني .. حبيبـي لـو تجدعـهود=لأني ما أستحق مثلك ..! (( وأبيها بينك وبيني ))
ولأن بعادتي دايم .. أنا أجـزي طبيبتـك بجحـود=لو أنـزف دم مـن دونـك حبيبـي لا تواسينـي
ولأنك أكبر (( بصبرك )) وطيبـة قلبـك المعهـود=ولأني أغليك وأحبـك .. رضيـت النـار تكوينـي
تركتك للفرح دونـي .. بنهايـة دربنـا المسـدود=رضيت بحالتـي وأدري .. ولا أدري ليـه تبكينـي
خذلتك عمر .. لاتنسـى أذا جيتـك أبيـك أتعـود=سرقت أجمل سنينك إيه حبيبي وش تبي فيني

سلطان الرجا