أوووه .. يامال!

[خالد التميمي]

.




تتلاشى المقدمات ..
خجلاً من كريم الدعوة






:






يهبّ ريح الوجد .. ويلوح غربال
........... وأشوف كنّ الجرح بالجرح .. معقود!

:

أغراب جينا .. والمقادير ترحال
............ والعمر ينقصّ .. والرجا بالله يزود

:

والليلة اللي شفّها .. ضيقة البال
............ أقفت تجرّ ثيابها .. جور وصدود

:

مثل البحر يا بحْر جيتك .. ولي جال
......... لا شك أضيق .. وضيقتي مالها حدود

:

هذي ثلاث سنين .. راحت بـ الآمال
......... مرّت ولا كنّي مع النـّـاس .. موجود

:

أشيل حملي .. وأدفن الجرح .. بالفال
....... وأسولف بـ حلمي .. على أيامي السود

:

وأقول لو إن الزمن فيه .. مقيال
.......... ما خلّت نفوس اليتامى .. ذرى الجود

:

يموت مستور الخطا .. ماله جلال
............ ويعيش ميسور العطا .. ما معه عود!

:

حتى انت يا ندّ السما .. مالك ظلال
............. لو كان صدرك غيم .. وأطرافك حيود

:

حزنك قديم .. وذكرياتك بلا اطلال
............. والملح يحفر في حناياك .. ويجود

:

ولولاك يا غبّ البحر .. تستر الحال
........ ما صرت لـ زناد الهواجيس .. بارود!

:

ياقصة المحّار .. والـ أووووه يامال
.......... يا خوّة الطوّاش .. والبرد .. والنود

:

يضحك لك العشـّاق .. ويدنّ خلخال
......... ويطيح .. من غصن المكاتيب .. عنقود

:

ماجيت لك طايش .. ولا جيت كرمال..
.............. قلبٍ يقوده بالهوى .. باشة الخود

:

جيتك وأنا قلبي له قيـود وحبال
......... وأقفيت من عندك .. بلا حبال وقيود!








.