مصافحه أولى ( ورود الحب )

[فواز خالد]

السّلام عليكم ورحمة الله وبركاته


أتوجه بالشّكر للشّاعِر القدير ( عبدالعزيز الجرّاح ) على ترحيبه الرّاقي .. ويسعدني الإنضمام لهالمنتدى اللي يجمع أروع الشّعرا ...


مصافحه أولى عسى انها اتعجبكم ...

أبسأل عنك يا اجمل من سكن هالقلب وضلوعـه=وابروز صفحة كتاب الغلا باسمك مع أوصافـك
واقول أهواك لانك في حياتي صـدق مزروعـه=على احضان الحشا تنبت ورود الحبّ واطيافـك
أبفرح لجلك ولجلك باعـوف الحـزن واللوعـه=واشق القلب وازرع به ورق من عود غريافـك
واعوم بشعرك اللي هو سواد الهمّ فـي قوعـه=ياشيخة غيد قد مرّت على المحجر شرى أطرافك
زبرجد..سوسن وفرعا.. عويدة بـان ..دلّوعـه=تمر بالخاطر اشعار الغـزل والمـدح لنصافـك
ياورده بين وردات الحشا .. يالقمرى يالرّوعـه=تعالي القلب عرشك من هذاك الوقت لي شافـك
تعالي لي (حياتي ) لاتخلي القلب فـي روعـه=واسلّم لك خفوقي لو بغيتـي القلـب مضيافـك
نعيش العمـر كلّـه بالفـرح ونـودّع ادموعـه=يابنت أجمل مدينه بالحسـن والحِسـن لفلافـك

اخوكم / فواز خالد