أحوال الحارة الشعبية ..!!

[محمد الحارثي]

برقٍ تعرج بالسما له شراره .......... في نون عيني شع ما عنه تغميض
!
!
وتساقط اللي بالمدى من مداره .......... وأمطر كلامٍ ما دخل فيه تعريض
!
!
الفكر طلقة والشعر صار شاره .......... وفيني إستفاق البوح من عقب ترويض
!
!
تاره ألم الحزن وأنثره تاره .......... وأصب من حزني قراطيع وتفيض
!
!
غريب مهمل ساكن بوسط حاره !! .......... أحوالها تحتاج لمَه وتنفيض
!
!
تلطخ شغبها في وجوه الجِدارة ........... ومشاهد التصوير تحتاج تحميض
!
!
منها سؤال أذكى غبي شب ناره ..! ....... ليا متى / والمستحي يكظم الغيض !!؟
!
!
ليا متى نهبط مع أهل الإثاره !؟ .......... اللي يبثون الفزع عقب تحريض !
!
!
رعشة إبادة تنسف أعلى الصدار ........... أفكارهم مثل الحصى والمدى ( بيض !..)
!
!
وأحلامنا شابت وراحت خسارة ........... عقب الربيع تعيش في لاهب القيض ..!!
!
!
الحال يتأوه ويفتح زراره !., .......... أبطى يجر الآه ماشاف تعويض ..!!
!
!
مدري متى يكسب قضية وقارة .......... وترجع عيونه من بعد طول تغميض ..!
!
!