ابسألك

[تركي النامي]

> مدخل

يجوز تنساني مع الوقت ياطير

ابسألك عـن شـي وخايـف يبكيـك=ويمكن بعـد ابكـي معـك لا نطقتـه
الي رحـل عاميـن وقلبـه يراعيـك=حبيـت غيـره او عـلـى من فقـدتـه؟
جاوب ولـو انـه جوابـك يخطيـك=عـذراً قبـل لاتنطقـه لـك قبلـتـه
وكان الغياب أسبـاب نسيـان غاليـك=هذا الغياب أسبـاب ليلٍ سهرتـه
لاشفت هذي او بعـد شفـت هذيـك=داريت حبـك فـي خفوقـي وصنتـه
أسقيك من نهر الوفـاء ليـن يرويـك=وإن ماكفاك أسقيك مـن مـا دمعتـه
وارسم طيوفك فـي خيالـي واناديـك=واليا محتـه اهـداب عينـي رسمتـه
وأنـام وأحلامـي لقـاك وتجافـيـك=ياحلمـي الـي مـن عرفتـك حلمتـه
واصحى على صوت إشتياقي واصحيك=واسئلك هذا صوت منهـو عرفتـه؟
وتعيش فيني واحتفـي فـي معاليـك=ماتوسـع الفرحـة خفـوقٍ سكنـتـه
كل شي أشوفه صار به شـي يعنيك=وكل شي أقوله مـن كلامـك حفظتـه
هذا السؤال و ما بقى عذر يعفيك=يكفي عصاني قلبي وكم عذرته
الله يعينه لاسلى ومر طاريك=يفز لك رغم إنك ألي طعنته
كنه فقد نصه في لمسة يديك=وكني لمست الجرح وسطه وخفته
قلبي عليك مـن الندامة تباريك=وقلبي عليـك يعذبـك مـن تبعته
وبسألـك والا تدري .. بخلـيـك=اخاف اموت من القهر لانطقته

مخرج >

ويجوز ترجع لي وانا قد نسيتك