غربة مشاعر ..!!

[محمد الحارثي]

.
.
.

يارب وش ذا الغربه اللي إحتوتني=وأنا بوسط أهلي وبين الجماعه
أحاول أقهر غربتي وإقهرتني=تعبت ألم الحزن وأطوي شراعه
ألم بعضي لين ما كل متني=وأصبحت أمثل من يضيًع متاعه
أحاول أدفع عبرتي اللي إخنقتني=من شان من حولي مع اهل الإشاعه
تعبت أجاري طفلة(ن) وهقتني=أضحك لها وأقول سمع (ن)وطاعه
إن رحت عنها ياخلايق بكتني=وإن جيتها بتمل في ظرف ساعه
لاني قريب (ن) لا ولا بعدتني=تلعب على قلبي بفن وبراعه
من كثر ماهي بالهوى لوعتني=حالي برى كله ولا به مناعه
اليوم لي شهرين ما كلمتني=ولاعاد تنفع واسطه أو شفاعه
قولوا لمن تشبه ملامح برتني=الطعن غاير لا تزيد إتساعه

.
.
.