" أنـواع البشـر "

[مها العنزي]

السلام عليكم ورحمة الله وبركاته

*أحبتي تقبل الله طاعتكم.. ورزقكم جناته والعتق من نيرانه ..

بعض البشر يزرع بك الطيب قوه = وبعض البشر جاحد ولو تنزرع فيه
والبعض لامنك تماكنت جوه = لو تطلبه عينه نطق سم لبيه
وبعض البشر تجني عليه الفتوه = مايدري ان الوقت يردع عن التيه
وخطوة حقود ٍداخل الصدر زوه = اسود من المحماس بالغل يبريه
وخطوة سموح ٍ قلبه بحلق هوه = غير البياض يسّقطه مايدانيه
والبعض دايم ملحق الناس سوه = لحم البشر عن كل زادن يبديه
والناس فيهم كالجبل في علوّه =ماأحدن على الرفعه يحاول يجاريه
وايضاً بهم مثل الطريق المشوه = كلما وطى يصعب على الرجل تمشيه
انواع جنب انواع وان قيل خوه = احرص على اللي يرفعك لاتعديه
اللي مع الفزعات عنده مروه = يدفن خطاك ولاانجهل طيب يبديه
أتعب على وصل اللذي طاب نوه = وأحشم ترابك عن عجاج المكاريه
وأشره على الخيّر أصيل الربوه = وإلا الردي ماهو بحمّل المشاريه
وكلن على ماشب ينشاف ضوه = والله على قدر النوايا بيعطيه

/